A directora da Axencia de Protección da Legalidade Urbanística, o día 23 de decembro de 2013, ditou resolución pola que se ordena a demolición das obras de construción dunha vivenda unifamiliar de tres plantas, dúas construcións auxiliares e a instalación dunha caravana, no lugar de Longales-A Abelenda, parroquia de Pontellas, no termo municipal do Porriño, provincia de Pontevedra, e a reposición dos terreos afectados ao estado anterior ao inicio das obras, por conta de José Luis Bouzas Míguez, así como o cesamento definitivo dos usos a que desen lugar. A orde de demolición deberá ser executada no prazo de tres meses, contados desde a notificación desta resolución, dando conta á Axencia de Protección da Legalidade Urbanística.
Ao non poderse realizar a notificación persoal daquela resolución ao interesado, mediante esta cédula, e ao abeiro do disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común (LRXPAC), notifícaselle ao interesado a dita resolución.
Tendo en conta que, en atención ao previsto no artigo 61 da LRXPAC, o acto non se publica na súa integridade, fáiselle saber ao interesado que o texto íntegro da resolución que se notifica está ao seu dispor nas dependencias da Axencia de Protección da Legalidade Urbanística, sitas no Edificio Witland, Salgueiriños, en Santiago de Compostela, para a súa consulta no prazo de dez (10) días hábiles, que se contarán desde o día seguinte ao da publicación desta cédula. Transcorrido o dito prazo, a notificación entenderase producida.
Contra a dita resolución, que pon fin á vía administrativa, o interesado pode interpoñer recurso de reposición no prazo dun mes, contado a partir do día seguinte a aquel en que se producise a notificación, ante a directora da Axencia de Protección da Legalidade Urbanística, ou ben, se non exerce o seu dereito a presentar recurso potestativo de reposición, pode interpoñer directamente recurso contencioso-administrativo, no prazo de dous meses, ante o xulgado do contencioso-administrativo en cuxa circunscrición radique o inmoble afectado, conforme o disposto no artigo 14.1, regra terceira, da Lei 29/1998, reguladora da xurisdición contencioso-administrativa.
Para que conste e lle sirva de notificación ao citado interesado, en cumprimento do disposto no artigo 59.5 da citada Lei 30/1992, do 26 de novembro, expido e asino esta cédula.
Santiago de Compostela, 15 de xaneiro de 2014
María Martínez Allegue
Directora da Axencia de Protección da Legalidade Urbanística