Ao abeiro do establecido na Lei 16/1987, do 30 de xullo, de ordenación dos transportes terrestres, modificada pola Lei 9/2013, do 4 de xullo, e no seu regulamento de execución, aprobado polo Real decreto 1211/1990, do 28 de setembro, iniciouse expediente de modificación do contrato de xestión do servizo público: V-0224; XG-010, entre Ourense e A Ponte por Bóveda, da titularidade de Autos González, S.L.
Os interesados ou afectados no expediente poderán comparecer no procedemento e, tras o exame da documentación pertinente no Servizo de Mobilidade de Ourense (rúa José Ángel Valente, 2, baixo, 32003 Ourense), efectuar as alegacións que consideren oportunas no prazo de quince días, que se contarán a partir do día seguinte ao da publicación deste anuncio no Diario Oficial de Galicia.
Dentro dese mesmo prazo poderase acceder á documentación en soporte electrónico mediante a súa solicitude no enderezo mobilidade.ourense@xunta.es
Ourense, 14 de xaneiro de 2014
Ángel Míguez López
Xefe do Servizo de Mobilidade de Ourense