De conformidade co disposto no artigos 59.2 e 59.5 da lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, notifícaselles ás persoas da relación adxunta que a xunta local da zona acordou o día 23 de xullo de 2013 a aprobación das bases definitivas da zona de concentración parcelaria de San Bartolomeu de Berrande (Vilardevós-Ourense), que están expostas ao público no Concello de Vilardevós e nos lugares de costume, de conformidade co disposto nos artigos 36 e 40 da Lei 10/1985, de concentración parcelaria para Galicia, modificada pola Lei 12/2001, do 10 de setembro, ao non ser posible a súa notificación a través do servizo de Correos.

Nas referidas bases figura o correspondente boletín individual da propiedade.

Para o caso de que se formulasen alegacións en relación coas bases provisorias, o resultado destas será o que se recolle no seu boletín.

Contra o devandito acordo, aprobatorio das bases definitivas, que non é definitivo na vía administrativa, os interesados da relación adxunta poderán interpoñer recurso de alzada ante a conselleira do Medio Rural e do Mar no prazo de 30 días naturais contados a partir do día seguinte ao da súa publicación no Diario Oficial de Galicia.

Ourense, 12 de febreiro de 2014

Yago Borrajo Sánchez
Xefe territorial de Ourense

ANEXO