A Cámara Oficial de Comercio, Industria e Navegación de Lugo comunicou á Dirección Xeral de Comercio as vacantes de tres vogais dos elixidos por proposta das organizacións empresariais. De conformidade co previsto no artigo 61 do Decreto 431/2009, do 19 de novembro, polo que se aproba o Regulamento de réxime electoral das cámaras oficiais de comercio, industria e navegación de Galicia, o procedemento da súa provisión tramitarase de acordo cos seguintes preceptos do citado regulamento:
Primeiro. No prazo dos 15 días hábiles seguintes á data de publicación deste anuncio no DOG, as organizacións empresariais máis representativas, segundo os criterios definidos no artigo 28, presentarán ante a Xunta Electoral a lista das súas candidaturas, que deberán cumprir os requisitos sinalados nos artigos 29 e 30.
Segundo. A elección para prover as vacantes axustarase ao que dispoñen os capítulos VI, IX e X do título I.
Terceiro. As competencias propias da Xunta Electoral asumiraas o Comité Executivo da dita Cámara Oficial de Comercio, Industria e Navegación de Lugo, con sede na da propia entidade, avenida Ramón Ferreiro, 18, Lugo.
Santiago de Compostela, 13 de febreiro de 2014
Sol María Vázquez Abeal
Directora xeral de Comercio