María Dolores Vázquez Portela interpuxo recurso contencioso-administrativo, que se tramita como procedemento ordinario 299/2013 na Sección Primeira da Sala do Contencioso-Administrativo do Tribunal Superior de Xustiza de Galicia.
O recurso contencioso-administrativo diríxese contra a Orde do 16 de outubro de 2013, da Consellería de Cultura, Educación e Ordenación Universitaria, publicada no Diario Oficial de Galicia do 4 de novembro, pola que se convoca concurso de traslados entre o persoal funcionario docente dos corpos de catedráticos e profesores de ensino secundario, escolas oficiais de idiomas, música e artes escénicas, artes plásticas e deseño, profesores técnicos de formación profesional, mestres de taller de artes plásticas e deseño, mestres, inspectores ao servizo da Administración educativa e inspectores de Educación. Tamén se dirixe contra a resolución do recurso de reposición presentado pola recorrente contra a dita orde.
En concreto, no recurso de reposición, María Dolores Vázquez Portela impugnaba a epígrafe 1.2 e a epígrafe 4 do baremo de méritos que se recolle no anexo XIV desa orde.
De conformidade co disposto no artigo 49 da Lei 29/1998, do 13 de xullo, reguladora da xurisdición contencioso-administrativa, a través do presente anuncio notifícase a interposición do dito recurso contencioso-administrativo, para xeral coñecemento de todas as persoas interesadas que se emprazan para que poidan comparecer na Sección Primeira da Sala do Contencioso-Administrativo do Tribunal Superior de Xustiza de Galicia, no prazo de 9 (nove) días, contados desde o día seguinte ao da publicación deste anuncio no Diario Oficial de Galicia.
Santiago de Compostela, 18 de febreiro de 2014
José Manuel Pinal Rodríguez
Director xeral de Centros e Recursos Humanos