Visto o expediente para outorgamento de autorización administrativa e aprobación do proxecto de execución da instalación eléctrica que a seguir se describe:
Solicitante: Eléctrica Los Molinos, S.L.
Domicilio social: avenida de Pontevedra, 14, baixo, 36820 Ponte Caldelas.
Denominación: LMTS, CS Taboadelo.
Situación: Ponte Caldelas.
Características técnicas: LMT subterránea a 20 kV con condutor RHZ1 en tres tramos: tramo CD Taboadelo ao CS proxectado Taboadelo, 40 metros; tramo CS proxectado ao paso aéreo subterráneo (PAS) no apoio 1 da LAT de interconexión das subestacións Ponte Caldelas e A Reigosa, 100 metros; tramo PAS no apoio 27 da LAT de interconexión das subestacións Ponte Caldelas e A Reigosa á subestación A Reigosa, 100 metros. Centro de seccionamento Taboadelo, con celas modulares, en edificio PRU4. As instalacións están situadas en Taboadelo e A Reigosa, Ponte Caldelas.
Cumpridos os trámites ordenados na Lei 54/1997, do 27 de novembro, do sector eléctrico, e no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución das devanditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación, e nos condicionados establecidos polos ministerios, organismos ou corporacións que constan no expediente.
Esta autorización outórgase sen prexuízo de terceiros e independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.
O prazo de posta en marcha da instalación, de acordo co artigo 131 do Real decreto 1955/2000, será de 12 meses a partir da recepción da presente resolución. Para os efectos da posible solicitude de prórroga, o peticionario deberá ter en conta o disposto no capítulo IV do Decreto 1775/1967, do 22 de xullo.
Contra a presente resolución poderá interpoñer recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén poderá interpoñer calquera outro recurso que considere pertinente ao seu dereito.
Pontevedra, 4 de febreiro de 2014
Ignacio Rial Santomé
Xefe territorial de Pontevedra