De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle ao interesado a resolución que desestima o recurso de alzada RA/VI/2011/00345, formulado contra a resolución do xefe territorial de Ourense da Consellería de Medio Ambiente, Territorio e Infraestruturas, cuxa parte dispositiva di:
«RESOLVO:
Desestimar o recurso de alzada RA/VI/2011/00345 interposto por Juan Viéitez Galiño contra a Resolución do 10 de xuño de 2011, ditada polo xefe territorial de Ourense da Consellería de Medio Ambiente, Territorio e Infraestruturas, no expediente O-CD-0761/09, resolución que se confirma, sen prexuízo de emendar o erro que se menciona no fundamento xurídico cuarto.
Contra esta resolución, que é firme en vía administrativa, poderá interpoñerse recurso contencioso-administrativo, ante o Xulgado do Contencioso-Administrativo de Ourense, de conformidade cos artigos 8 e 14 da Lei 29/1998, do 13 de xullo, reguladora da xurisdición contencioso-administrativa, no prazo de dous meses contados desde o día seguinte ao da súa notificación, conforme o disposto no artigo 46.1 da citada Lei 29/1998».
Tendo en conta que, en atención ao previsto no artigo 61 da Lei 30/1992, o acto non se publica na súa integridade, fáiselle saber ao interesado que o texto íntegro da resolución que se notifica está á súa disposición, durante un prazo de dez (10) días contados desde o seguinte ao da publicación desta cédula, na Secretaría Xeral Técnica da Consellería de Medio Ambiente, Territorio e Infraestruturas, situada nos Edificios Administrativos San Caetano, en Santiago de Compostela.
O prazo de dous meses mencionado anteriormente contarase desde o día seguinte ao do remate do prazo sinalado para o exame do expediente, ou da comparecencia para tal fin, se é o caso.
E para que conste e lles sirva de notificación aos interesados, asino e selo esta presente cédula.
Santiago de Compostela, 5 de marzo de 2014
José Antonio Fernández Vázquez
Secretario xeral técnico da Consellería de Medio Ambiente,
Territorio e Infraestruturas