Notifícase, de conformidade co establecido no artigo 59.4 da Lei 30/1992, do 26 de novembro, de réxime xurídico das administracións públicas (RCL 1992/2512), tras intentar infrutuosamente a notificación ao interesado, Manuel-Reinerio Gómez González, titular da entidade mercantil Mármoles Gómez, cuxo último enderezo coñecido radica na rúa Rodríguez Valcárcel, nº 46, Ribadavia (Ourense), a incoación do expediente sancionador OU-APCO 3/2014 por non efectuar a revisión regulamentaria do equipo a presión APCO 77/86.
O interesado dispón dun prazo de quince días hábiles para presentar alegacións e propor e/ou achegar proba. No caso contrario, o oficio de incoación adquirirá o carácter de proposta de resolución. Poderá tomar vista do expediente na xefatura territorial, sita na rúa Curros Enríquez, nº 1, 5º andar, das 9.00 ás 14.00 horas, de luns a venres.
Ourense, 10 de marzo de 2014
P.S.L. (Decreto 110/2013, do 4 de xullo)
Alfonso T. Paz Doniz
Xefe do Servizo de Administración Industrial