Aprobado inicialmente o Plan especial de protección do núcleo histórico da vila de Monterroso, por Acordo do Pleno do Concello, en sesión extraordinaria realizada o día 6 de marzo de 2014, de conformidade co artigo 86 da Lei 9/2002, do 30 de decembro, de ordenación urbanística e protección do medio rural de Galicia, someteuse a información pública polo prazo dun mes contado desde o día seguinte ao de publicación deste anuncio no Diario Oficial de Galicia núm. 67, do 7 de abril de 2014.

Por Resolución da Alcaldía do 2 de maio de 2014, resolveuse ampliar o prazo de exposición ao público ata o máximo legal, un mes máis, e manter o resto do acordo inicialmente adoptado, prazo que rematará o 7 de xuño de 2014.

O que se publica para xeral coñecemento.

Monterroso, 2 de maio de 2014

Antonio Edelmiro Gato Soengas
Alcalde