De conformidade cos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, logo de ser intentada sen éxito a notificación persoal a través do servizo de Correos, notifícanselles ás persoas interesadas que se sinalan no anexo deste anuncio as resolucións dos procedementos para declarar a perda do dereito ao cobramento total da axuda para a mellora da eficacia e sustentabilidade das explotacións agrarias e para a incorporación de novos activos agrarios.
Os/as interesados/as poden recoller a resolución no prazo de dez días hábiles, que se contarán desde o seguinte ao da publicación deste anuncio, nas oficinas do Servizo de Explotacións Agrarias, da Dirección Xeral de Produción Agropecuaria, Consellería do Medio Rural e do Mar (Edificio Administrativo San Caetano, Santiago de Compostela), de luns a venres, das 9.00 ás 14.00 horas, para coñecemento da dita resolución e constancia de tal coñecemento.
A resolución esgota a vía administrativa. As persoas interesadas poderán interpoñer contra ela, potestativamente, recurso de reposición perante a conselleira do Medio Rural e do Mar no prazo dun mes contado a partir do día seguinte ao desta publicación, ou, directamente, recurso contencioso-administrativo perante a sala do contencioso-administrativo do Tribunal Superior de Xustiza de Galicia, no prazo de dous meses a partir do día seguinte ao desta publicación, segundo o artigo 46 da Lei 29/1998, do 13 de xullo, reguladora da xurisdición contencioso-administrativa, sen prexuízo de que a persoa interesada poida exercer calquera outro que considere pertinente.
Santiago de Compostela, 21 de maio de 2014
Patricia Ulloa Alonso
Directora xeral de Produción Agropecuaria
ANEXO
Procedemento: expediente número 15/50238/06A, de axuda para a mellora da eficacia e sustentabilidade das explotacións agrarias e para a incorporación de novos activos agrarios.
Interesada: Moldes González, Guadalupe.
Acto de notificación: resolución do procedemento para declarar a perda do dereito ao cobramento total da axuda.
Último enderezo coñecido: Tineo, San Fiz de Monfero, 15169, Monfero (A Coruña).
Procedemento: expediente número 15/50278/06A, de axuda para a mellora da eficacia e sustentabilidade das explotacións agrarias e para a incorporación de novos activos agrarios.
Interesado: Martíns Moutinho, Albertino.
Acto de notificación: resolución do procedemento para declarar a perda do dereito ao cobramento total da axuda
Último enderezo coñecido: Tineo, San Fiz de Monfero, 15169, Monfero (A Coruña).
Procedemento: expediente número 15/00449/07B, de axuda para a mellora da eficacia e sustentabilidade das explotacións agrarias e para a incorporación de novos activos agrarios.
Interesada: Calma Rural, S.C.
Acto de notificación: resolución do procedemento para declarar a perda do dereito ao cobramento total da axuda.
Último enderezo coñecido: Tarrío, s/n, Bama, 15822, Touro (A Coruña).