RESOLVO:
O Consello da Xunta de Galicia, na súa xuntanza do día 20 de xuño de 2014, aprobou as bases que rexerán o concurso público para o outorgamento de licenzas para a prestación de servizos de comunicación audiovisual televisiva de titularidade privada de ámbito local e acordou a súa convocatoria.
Primeiro. Entidade adxudicadora
O órgano competente para adxudicar a licenza para a prestación do servizo de comunicación audiovisual televisiva de ámbito local é o Consello da Xunta de Galicia.
A Secretaría Xeral de Medios é o órgano competente para a tramitación das solicitudes.
Segundo. Obxecto do concurso
26 licenzas para a prestación do servizo de comunicación audiovisual televisiva de titularidade privada que se detallan no anexo desta resolución.
Terceiro. Garantías
Determinadas no anexo III das bases.
Cuarto. Prazo e lugar de presentación
Prazo de presentación: as solicitudes poderán presentarse en horario de apertura do Rexistro Xeral da Xunta de Galicia do Edificio Administrativo San Caetano dentro do prazo de trinta (30) días contado a partir do día seguinte ao da publicación deste anuncio no Diario Oficial de Galicia.
Lugar de presentación: a solicitude (anexo II das bases) debidamente cuberta e os sobres pechados que conteñan a documentación sinalada nas bases deberán presentarse no Rexistro Xeral da Xunta de Galicia do Edificio Administrativo San Caetano.
Así mesmo, a presentación poderá realizarse mediante envío por correo certificado con destino ao dito rexistro, caso en que o interesado deberá acreditar, co xustificante correspondente, a data de imposición do envío e comunicar no mesmo día á Secretaría Xeral de Medios, por fax ao número 981 54 12 89 ou telegrama, a remisión da solicitude, que deberá ser, en todo caso, anterior á finalización do prazo para a prestación de solicitudes. Esta acreditación poderá realizarse tamén por correo electrónico ao enderezo radiodifusion.sxmedios@xunta.es, ben que este medio soamente será válido se existe constancia da súa transmisión e recepción, das súas datas, do contido íntegro das comunicacións e de se se identifica fidedignamente o remitente e o destinatario.
Quinto. Forma de presentación
A establecida nas bases do concurso.
Sexto. Modelo de solicitude
O que figura como anexo II das bases do concurso.
Sétimo. Obtención da documentación
As bases e os seus anexos estarán á disposición dos solicitantes:
a) No seguinte enderezo da internet: http://medios.xunta.es
b) Nas dependencias da Subdirección Xeral de Réxime Xurídico e Xestión de Medios Audiovisuais da Secretaría Xeral de Medios, no Edificio Administrativo San Caetano, Santiago de Compostela (A Coruña).
Oitavo. Teléfonos de información
981 54 43 22/981 54 12 30.
Santiago de Compostela, 20 de xuño de 2014
Mar Sánchez Sierra
Secretaria xeral de Medios
ANEXO
|
Ref. |
Denominación |
Canle |
P.R.A. |
Ámbito |
Superficie total |
Densidade |
Licenzas dispoñibles |
|
TL01C |
Carballo |
52 |
500 W |
Carballo, A Laracha, Coristanco, Malpica de Bergantiños, Ponteceso, Cabana de Bergantiños e Laxe |
557,43 km2 |
74 hab/km2 |
1 |
|
TL03C |
Ferrol |
34 |
1 kW |
Ferrol, Narón, Fene, Valdoviño, Neda, Mugardos, Ares e San Sadurniño |
346,34 km2 |
445 hab/km2 |
1 |
|
TL06C |
Vimianzo |
51 |
50 W |
Vimianzo, Cee, Camariñas, Muxía, Zas, Fisterra, Dumbría e Corcubión |
711,94 km2 |
65 hab/km2 |
2 |
|
TL07C |
As Pontes de García Rodríguez |
24 |
100 W |
As Pontes de García Rodríguez, Pontedeume, Cabanas, Monfero, A Capela e Muras |
702,43 km2 |
225 hab/km2 |
3 |
|
TL01LU |
Chantada |
52 |
50 W |
Chantada, Taboada e Carballedo |
442,85 km2 |
38 hab/km2 |
2 |
|
TL03LU |
Monforte de Lemos |
49 |
100 W |
Monforte de Lemos, O Saviñao, Pantón, Sober, A Pobra do Brollón e Bóveda |
940,48 km2 |
38 hab/km2 |
1 |
|
TL04LU |
Vilalba |
64 |
100 W |
Vilalba, Guitiriz, Castro de Rei, Cospeito, A Pastoriza, Begonte, Abadín e Xermade |
1.691,16 km2 |
28 hab/km2 |
2 |
|
TL05LU |
Viveiro |
40 |
100 W |
Viveiro, Foz, Ribadeo, Burela, Cervo, Xove e Barreiros |
565,75 km2 |
96 hab/km2 |
2 |
|
TL01OU |
O Barco de Valdeorras |
56 |
100 W |
O Barco de Valdeorras, A Rúa, Vilamartín de Valdeorras, Carballeda de Valdeorras, Rubiá, A Veiga, O Bolo e Petín |
769,68 km2 |
37 hab/km2 |
2 |
|
TL02OU |
O Carballiño |
49 |
100 W |
O Carballiño, Boborás, Maside, San Cristovo de Cea, O Irixo, Piñor, Beariz e San Amaro |
535,34 km2 |
54 hab/km2 |
2 |
|
TL04OU |
Verín |
49 |
100 W |
Verín, Monterrei, Vilardevós, Cualedro, Riós, Oímbra, Laza e Castrelo do Val |
1.061,38 km2 |
27 hab/km2 |
2 |
|
TL02PO |
Ponteareas |
29 |
100 W |
Ponteareas, Tui, Salvaterra de Miño, Mondariz e As Neves |
407,04 km2 |
135 hab/km2 |
1 |
|
TL03PO |
Pontevedra |
29 |
1 kW |
Pontevedra, Marín, Poio, Ponte Caldelas, Vilaboa e Cotobade |
447,46 km2 |
300 hab/km2 |
3 |
|
TL05PO |
Vilagarcía de Arousa |
47 |
500 W |
Vilagarcía de Arousa, A Estrada, Sanxenxo, Cambados, O Grove, Vilanova de Arousa e Caldas de Reis |
524,14 km2 |
225 hab/km2 |
2 |