En cumprimento do disposto no artigo 28 do Decreto 39/2001, do 1 de febreiro, de refundición en materia de Consello Galego de Turismo, declaración de municipio turístico galego e declaración de festas de Galicia de interese turístico, esta dirección dispón que se publique no Diario Oficial de Galicia o acordo adoptado polo Consello da Xunta na súa reunión do 10 de xullo de 2014 e que a seguir se transcribe:
«Declarar festa de Galicia de interese turístico, de conformidade co establecido no Decreto 39/2001, do 1 de febreiro, de refundición en materia de Consello Galego de Turismo, declaración de municipio turístico galego e declaración de festas de Galicia de interese turístico, a seguinte:
• A Festa do Percebe do Roncudo, que se celebrará na primeira quincena do mes de xullo, no concello de Ponteceso (A Coruña)».
Santiago de Compostela, 14 de xullo de 2014
Mª Nava Castro Domínguez
Directora da Axencia Turismo de Galicia