A aprobación da modificación da relación de postos de traballo da Consellería do Medio Rural e do Mar xustifícase pola execución do auto do Tribunal Superior de Xustiza de Galicia da sala do contencioso-administrativo, sección primeira do 16 de xullo de 2014, polo que se require á Xunta de Galicia para que se proceda á execución da sentenza dese tribunal, do 30 de outubro de 2013 (PO 586/2011).
O dito pronunciamento xudicial anula a modificación da provisión dos postos de traballo das xefaturas de unidade operativa, nivel 22, debéndose substituír o sistema de provisión de libre designación polo de concurso de méritos.
En consecuencia e de conformidade co disposto no citado auto, o Consello da Xunta de Galicia na súa reunión do día 1 de agosto de 2014, adoptou o seguinte
ACORDO:
Primeiro. Apróbase a modificación da relación de postos de traballo da Consellería do Medio Rural e do Mar, nos termos que se sinalan no anexo a este acordo.
Segundo. Ordénase a súa publicación no Diario Oficial de Galicia.
Visto o acordo adoptado polo Consello da Xunta de Galicia, na súa reunión do 1 de agosto de 2014, relativo á aprobación da modificación da relación de postos de traballo da Consellería do Medio Rural e do Mar, coa finalidade de cumprir o dito acordo, de conformidade coa Orde da Consellería de Facenda do 8 de xullo de 2013, sobre delegación de competencias na Dirección Xeral da Función Pública (DOG núm. 136, do 18 de xullo), dispoño que se publique no Diario Oficial de Galicia como anexo a esta resolución.
Santiago de Compostela, 4 de agosto de 2014
José María Barreiro Díaz
Director xeral da Función Pública