O Pleno municipal en sesión celebrada o 21 de xullo de 2014, adoptou, entre outros, o seguinte acordo:

«Primeiro. Cambiar o uso da parcela 9224501NJ4092S0001FP sinalada en planos adxuntos, sita na rúa Veeduría 2, de forma que o Sistema xeral de equipamentos, uso militar (DF(pb)) previsto actualmente polo PEPRI pase a ser un Sistema xeral de equipamentos, uso benestar social ou cultural (CU/oc (pb)), de maneira que se poida implantar calquera das dúas categorías de equipamento de forma indistinta, de conformidade co proxecto de cambio de uso redactado pola arquitecta municipal.

Segundo. Publicar o presente acordo no Boletín Oficial da provincia e no Diario Oficial de Galicia.

Terceiro. Notificar o presente acordo á Consellería de Medio, Territorio e Infraestruturas, e aos departamentos municipais de Xestión do Solo, Licenzas e Disciplina Urbanística, Sección de Patrimonio Urbanístico, así como á Oficina do SIG de Planeamento».

Contra este acordo cabe interpoñer recurso contencioso-administrativo ante a sala correspondente do Tribunal Superior de Xustiza de Galicia, no prazo de dous meses, que se contarán desde o día seguinte ao da súa publicación ou, se é o caso, notificación, de conformidade co artigo 46 da Lei 29/1998, do 13 de xullo, da xurisdición contencioso-administrativa, sen prexuízo de calquera outro que se considere pertinente.

Non obstante poderase interpoñer, con carácter potestativo, recurso de reposición ante o mesmo órgano que ditou o acto, no prazo dun mes, contado desde o día seguinte á recepción da notificación, de conformidade cos artigos 116 e 117 da Lei 30/1992, do 26 de novembro.

O que se publica para xeral coñecemento.

A Coruña, 28 de xullo de 2014

César de Jesús Otero Grille
Director de Urbanismo