Convocada por Resolución do 3 de xuño de 2014 (Diario Oficial de Galicia número 116, do 19 de xuño), a provisión de diversas prazas de supervisor/a de área funcional da Xerencia de Xestión Integrada de Santiago de Compostela e en virtude das competencias atribuídas polo Decreto 43/2013, do 21 de febreiro (Diario Oficial de Galicia número 47, do 7 de marzo), polo que se establece a estrutura orgánica do Servizo Galego de Saúde, e da Orde do 5 de xullo de 2012 (Diario Oficial de Galicia número 139, do 20 de xullo), sobre delegación de competencias en órganos centrais e periféricos do Servizo Galego de Saúde e o Decreto 168/2010, do 7 de outubro (Diario Oficial de Galicia número 199, do 15 de outubro) polo que se regula a estrutura organizativa de Xestión Integrada do Servizo Galego de Saúde, o xerente de Xestión Integrada de Santiago de Compostela,

DISPÓN:

Primeiro. Resolver a convocatoria pública para a provisión de diversas prazas de supervisor/a de área funcional da Xerencia de Xestión Integrada de Santiago de Compostela, convocada pola Resolución do 3 de xuño de 2014 (Diario Oficial de Galicia número 116, do 19 de xuño).

Segundo. Nomear, para os postos que se indican, as persoas citadas no anexo desta resolución.

Terceiro. Os aspirantes seleccionados deberán cesar na praza que desempeñen dentro dos tres días hábiles seguintes a aquel en que se publique a resolución no Diario Oficial de Galicia.

A toma de posesión dos postos de traballo adxudicados deberán efectuarse dentro dos tres días hábiles seguintes ao do cesamento. Para estes efectos, entenderase por praza desempeñada a efectivamente ocupada, con independencia de que sexa en condición de destino definitivo, adscrito ou destino provisional ou comisión de servizos.

Se así o permiten as necesidades do servizo, e por petición motivada dos/as interesados/as, os prazos a que se refiren os parágrafos anteriores poderán ser prorrogados polo órgano convocante.

O prazo de toma de posesión e a súa prórroga terán a condición de servizo activo e percibiranse os correspondentes haberes de conformidade co que estableza a orde sobre confección de nóminas do persoal ao servizo da Administración autonómica.

Entenderase que solicita excedencia voluntaria por interese particular, e será declarado nesa situación polo órgano competente, quen non se incorpore ao posto adxudicado no prazo establecido.

Cuarto. Contra a presente resolución poderá interpoñerse, nos termos previstos na Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e a Lei 25/2009, do 22 de decembro, recurso de alzada, ante a Dirección Xeral de Recursos Humanos do Servizo Galego de Saúde, no prazo dun mes contado desde o día seguinte ao da súa publicación.

Santiago de Compostela, 2 de setembro de 2014

Luis Verde Remeseiro
Xerente de Xestión Integrada de Santiago de Compostela

ANEXO

Área funcional:	Recursos Materiais
Centro:	Xerencia de Xestión Integrada de Santiago de Compostela
Apelidos e nome:	María Jesús Wandosell Picatoste
DNI:	405978M

Área funcional:	Servizos Centrais
Centro:	Hospital de Conxo
Apelidos e nome:	José Camilo Noguerol Freijedo
DNI:	34984078C

Área funcional:	Hospitalización-Pediatría-Partos
Centro:	Hospital Clínico
Apelidos e nome:	María Isabel Crego González
DNI:	33294317T

Área funcional:	Docencia e Investigación
Centro:	Xerencia de Xestión Integrada de Santiago de Compostela
Apelidos e nome:	María Jesús Rosón Ferreiro
DNI:	33230781J

Área funcional:	Cirúrxica
Centro:	Hospital Clínico
Apelidos e nome:	Marta Iglesias Rivas
DNI:	76811782Q