Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 224 Venres, 21 de novembro de 2014 Páx. 48269

IV. Oposicións e concursos

Universidade de Vigo

ANUNCIO do 20 de novembro de 2014 polo que se procede a dar publicidade das resolucións da mesma data polas cales se convocan a concurso público prazas para a contratación de persoal docente e investigador contratado.

De conformidade co disposto na Lei orgánica 6/2001, do 21 de decembro (BOE do 24), de universidades, modificada pola Lei orgánica 4/2007, do 12 de abril (BOE do 13), en diante LOU, no Decreto 266/2002, do 6 de setembro (DOG do 17), da Xunta de Galicia, sobre contratación de profesorado universitario, no II Convenio colectivo para o persoal docente e investigador das universidades da Coruña, Santiago de Compostela e Vigo e polo establecido nos estatutos da Universidade de Vigo, aprobados polo Decreto 7/2010, do 14 de xaneiro (DOG do 2 de febreiro), da Xunta de Galicia, esta reitoría, no uso das competencias recoñecidas pola LOU, logo da autorización da Dirección Xeral de Planificación e Orzamentos, resolve proceder ao anuncio das convocatorias de concurso público nas seguintes categorías:

Campus de destino

Categoría

Nº prazas

Pontevedra

Vigo

Ourense

AS1402. Profesorado asociado

12

4

3

5

AD1402. Profesorado axudante doutor

1

1

-

-

A información completa (bases das convocatorias, modelo de solicitude, etc.) pode consultarse no taboleiro de anuncios do Rexistro Xeral da Universidade (Edificio Xerencia-Servizos Centrais, Campus Universitario-Vigo) e nos rexistros auxiliares dos campus de Ourense (Edificio Administrativo, Campus universitario As Lagoas), Pontevedra (Escola de Enxeñaría Forestal, Campus universitario A Xunqueira) e Vigo (Escola de Enxeñaría Industrial, r/ Torrecedeira, 86), así como na páxina electrónica http://persoal.uvigo.es/, Servizo de Persoal Docente e Investigador, premendo en «emprego», «convocatorias de concurso». Para outra información e aclaración de dúbidas, poden dirixirse aos teléfonos 986 81 37 65 (Servizo de Persoal Docente e Investigador) e 986 81 36 00 (Negociado de Información).

O prazo de presentación de solicitudes é de dez días naturais contados desde o día seguinte ao da publicación do presente anuncio no Diario Oficial de Galicia, e deberán dirixilas ao reitor no modelo oficial, obrigatoriamente acompañadas dos documentos acreditativos previstos en cada convocatoria.

Vigo, 20 de novembro de 2014

Salustiano Mato de la Iglesia
Reitor da Universidade de Vigo