De conformidade co artigo 12 do Decreto 125/2012, do 10 de maio, polo que se regula a utilización de lodos de depuradora no ámbito do sector agrario na Comunidade Autónoma de Galicia, procédese á exposición pública das parcelas propostas nos concellos onde están radicadas para que os veciños poidan trasladar toda información que consideren relevante relativa á situación de mananciais, puntos de captación e condicións non inventariadas.
O prazo para efectuar as ditas alegacións entenderase aberto desde o día seguinte ao da publicación deste anuncio e rematará transcorridos vinte días. A listaxe de parcelas atópase á disposición do público en xeral e pódese consultar nos taboleiros de anuncios dos concellos de Coristanco, Curtis, A Laracha, Malpica de Bergantiños, Muxía, Santa Comba, Santiago de Compostela, Tordoia, Trazo e Zas.
Santiago de Compostela, 14 de novembro de 2014
Patricia Ulloa Alonso
Directora xeral de Produción Agropecuaria