En atención ao labor de divulgación, promoción e coñecemento do Camiño de Santiago e dos valores xacobeos e ao abeiro do disposto no artigo 4 do Decreto 163/2013, do 24 de outubro, polo que se regula a concesión do título de Embaixador de Honra do Camiño de Santiago, é vontade do Goberno galego outorgar esta alta distinción á persoa que se indica a seguir.
Polo tanto, por proposta do vicepresidente e conselleiro de Presidencia, Administracións Públicas e Xustiza e logo do acordo do Consello da Xunta de Galicia, na súa reunión do día vinte e seis de decembro de dous mil catorce,
DISPOÑO:
Concederlle o título de Embaixador de Honra do Camiño de Santiago, a título persoal e con carácter vitalicio, a Mariano Rajoy Brey.
Santiago de Compostela, vinte e seis de decembro de dous mil catorce
Alberto Núñez Feijóo
Presidente
Alfonso Rueda Valenzuela
Vicepresidente e conselleiro de Presidencia, Administracións Públicas e Xustiza