Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 16 Luns, 26 de xaneiro de 2015 Páx. 3793

III. Outras disposicións

Instituto Galego de Promoción Económica

RESOLUCIÓN do 20 de xaneiro de 2015 pola que se publica o tipo de xuro para o exercicio 2015 para as operacións acollidas ao Programa de préstamos do Igape para financiar proxectos de investimento na Comunidade Autónoma de Galicia con fondos do Banco Europeo de Investimentos (BEI).

Mediante Resolución do 22 de marzo de 2001 publicouse o acordo do Consello de Dirección do Instituto Galego de Promoción Económica (Igape) que aprobou o programa de préstamos do Igape para financiar proxectos de investimento na Comunidade Autónoma de Galicia con fondos do Banco Europeo de Investimentos (BEI) (DOG núm. 63, do 30 de marzo de 2011).

Na cláusula 1.6 do dito programa establécese que o tipo de xuro de referencia se determinará anualmente segundo a media do euribor a un ano rexistrado nos meses de setembro, outubro e novembro do exercicio anterior e que entrará en vigor a partir do 1 de xaneiro de cada ano, e deberá ser publicado no Diario Oficial de Galicia.

Visto o exposto e unha vez verificados os datos relativos á evolución do euribor, e en virtude das facultades que teño conferidas

RESOLVO:

Único. O tipo de xuro de referencia que se aplicará durante o ano 2015 ás operacións en vigor do Programa de préstamos do Igape para financiar proxectos de investimento na Comunidade Autónoma de Galicia con fondos do Banco Europeo de Investimentos (BEI), ao abeiro da Resolución do 22 de marzo de 2011 (DOG núm. 63, do 30 de marzo), será do 0,345 %.

Santiago de Compostela, 20 de xaneiro de 2015

Javier Aguilera Navarro
Director xeral do Instituto Galego de Promoción Económica