O día 19 de febreiro de 2009 publicouse no Diario Oficial de Galicia (DOG número 35) o convenio de adhesión do Concello de Vilamarín á Axencia de Protección da Legalidade Urbanística.
Mediante acordo plenario do 29 de setembro de 2014, o Concello acordou rescindir o convenio de adhesión e deu conta á Axencia da súa vontade.
De conformidade co establecido no artigo 12.1.a) e 2 dos estatutos da Axencia aprobados polo Decreto 213/2007, do 31 de outubro, a separación por vontade da Administración consorciada require o acordo previo do pleno da corporación e a súa comunicación por escrito ao Consello Executivo da Axencia.
O Consello Executivo dáse por notificado da vontade do Concello e ordena a súa publicación no Diario Oficial de Galicia.
O que se certifica para os efectos da súa constancia no correspondente expediente, coa excepción do que resulte da aprobación definitiva da acta.
Santiago de Compostela, 4 de febreiro de 2015
María Martínez Allegue
Directora da Axencia de Protección da Legalidade Urbanística