A Xunta de Goberno Local na sesión que tivo lugar o 6 de febreiro de 2015, adoptou o acordo de aprobar inicialmente o estudo de detalle para a ordenación de volumes do Hospital Santa Teresa (Grupo Quirón), situado na rúa Londres, 2, A Zapateira, na Coruña, promovido polo Instituto Policlínico Santa Teresa, S.A.
En cumprimento do artigo 86.2 da Lei 9/2002, do 30 de decembro, de ordenación urbanística e protección do medio rural de Galicia, o estudo de detalle sométese a información pública polo prazo de vinte (20) días hábiles, que se contarán desde o día seguinte ao da última publicación deste anuncio no DOG ou na prensa local, para que calquera interesado poida consultalo e formular, de ser o caso, as alegacións que consideren oportunas.
A documentación do estudo de detalle pode consultarse no Departamento de Planeamento da Área de Urbanismo (praza de Indalecio Prieto, 1-3) en horario laboral de luns a venres, así como na páxina web do concello www.coruna.es/urbanismo.
A Coruña, 10 de febreiro de 2015
César de Jesús Otero Grille
Director de Urbanismo