Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 40 Venres, 27 de febreiro de 2015 Páx. 8399

V. Administración de xustiza

Xulgado de Primeira Instancia número 4 de Ferrol

EDICTO (983/2012).

José Miguel Regueiro Pérez, secretario xudicial do Xulgado de Primeira Instancia número 4 de Ferrol, polo presente anuncio:

Neste procedemento de xuízo ordinario 983/2012, seguido por instancia de BMW BANK GMBH sucursal en España, representada polo procurador Sr. Fariñas Sobrino fronte a Carlos Borja Ortiz Cerrato, ditouse sentenza cuxo encabezamento e decisión son do teor literal seguinte:

«Sentenza.

Xuíz que a dita: maxistrado xuíz Tudela Guerrero.

Lugar: Ferrol.

Data: 29 de outubro de 2013.

Demandante: BMW BANK GMBH sucursal en España.

Avogado: Francisco A. Rodríguez Gigirey Pérez.

Procurador: Eduardo Luis Fariñas Sobrino.

Demandado: Carlos Borja Ortiz Cerrato.

Procedemento: procedemento ordinario 983/2012.

Decisión.

Debo admitir e admito substancialmente a demanda presentada por BMW BANK GMBH contra Carlos Borja Ortiz, e condénoo ao pagamento de:

1. Dezaseis catrocentos cinco euros con trinta e tres euros de principal impagado na data do vencemento do contrato (13 de decembro de 2010); trescentos vinte e sete euros con sete céntimos de xuros moratorios debidos ata o 13 de decembro de 2010 e oitocentos sesenta e nove con noventa seis céntimos de gasto de devolución.

2. Ao pagamento dos xuros moratorios pactados das dúas primeiras cantidades, que ascenden a dezaseis mil setecentos trinta e dous euros con corenta céntimos, desde o 14 de decembro de 2010 ata o seu completo pagamento.

3. Ao pagamento das custas do procedemento.

Contra esta sentenza pode interporse recurso de apelación, que se interporá, ante este mesmo xulgado, no prazo de vinte (20) días contados desde o seguinte á súa notificación, e do cal coñecerá a Audiencia Provincial. De conformidade co disposto na disposición adicional décimo quinta da LOPX nos seus números 4 e seguintes, para a interposición do dito recurso será precisa a consignación como depósito de 50 euros, cantidade que será ingresada na conta de consignacións xudiciais deste xulgado.

Así, por esta a miña sentenza, definitivamente xulgando en primeira instancia, pronúncioo, mándoo e asínoo».

E encontrándose o dito demandado, Carlos Borja Ortiz Cerrato, en rebeldía, expídese o presente edicto co fin de que lle sirva de notificación en forma a este.

Ferrol, 19 de decembro de 2013

O secretario xudicial