Ás 10.00 horas do día 21 de abril de 2015 terá lugar, no salón de actos do Centro de Investigación de Lourizán, na rúa Igrexa, 19, 36153 Lourizán-Pontevedra, ante a mesa presidida polo secretario técnico do Ingacal ou persoal en quen delegue, coa asistencia dun/dunha letrado/a da Asesoría Xurídica da Xunta de Galicia, dun/dunha representante da Intervención Xeral da Comunidade Autónoma e dun/dunha técnico/a I da área de xestión do Ingacal, que actuará como secretario/a, a primeira, segunda e terceira poxa á alza do seguinte ben moble, cuxo alleamento foi acordado pola Resolución do 5 de marzo de 2015:
Lote único: 500 m3 de madeira de eucalipto tronzada e amoreada.
Tipo de licitación: 24.000 euros.
Tramo de licitación: 100 euros.
Para tomar parte na poxa será requisito necesario consignar o 20 % da cantidade sinalada como tipo de licitación do lote ante a mesa, ou acreditar que se depositou a referida cantidade na Tesouraría Xeral da Xunta de Galicia á disposición do Ingacal.
Serán por conta do adxudicatario os custos dos anuncios, así como os orixinados pola adxudicación e formalización da escritura pública de venda, de ser o caso. Os demais gastos e impostos derivados da transmisión serán de aplicación conforme o disposto na lei.
O prego de condicións que rexe este alleamento está ao dispor dos interesados, na páxina web do Ingacal:
http://www.medioruralemar.xunta.es/nc/areas/investigacion_e_formacion/instituto_galego_da_calidade_alimentaria/documentacion/contratacion/
Ou nas dependencias do Centro de Investigación Forestal de Lourizán, na rúa Igrexa, 19, (apartado de correos Lourizán 127), 36153 Lourizán, Pontevedra, e na sede do Instituto Galego da Calidade Alimentaria, Pazo de Quián, s/n, 15881 Boqueixón, A Coruña.
Para poder ver a madeira será preciso concertar unha cita previa.
Teléfonos de información: 986 80 50 00 e 881 99 72 76.
Santiago de Compostela, 9 de marzo de 2015
Tomás Fernández-Couto Juanas
Director do Instituto Galego da Calidade Alimentaria