En cumprimento do artigo 154 do Real decreto lexislativo 3/2011, do 14 de novembro, polo que se aproba o texto refundido da Lei de contratos do sector público, faise pública a formalización do contrato que se relaciona a seguir:
1. Entidade adxudicadora: Consellería de Traballo e Benestar.
a) Dependencia que tramita o expediente: Secretaría Xeral Técnica.
b) Enderezo na internet do perfil do contratante: http://www.contratosdegalicia.es
2. Obxecto do contrato:
a) Tipo de contrato: servizo.
b) Descrición do obxecto: servizo consistente no desenvolvemento da campaña publicitaria de dinamización demográfica de Galicia.
c) Tipo de fondo: fondos propios dos orzamentos da Comunidade Autónoma de Galicia para a anualidade 2015.
3. Tramitación e procedemento: ordinario e aberto, suxeito a regulación harmonizada.
4. Orzamento base de licitación: catrocentos noventa e cinco mil oitocentos sesenta e sete euros con setenta e sete céntimos (495.867,77 €) ao cal se lle engaden cento catro mil cento trinta e dous euros con vinte e tres céntimos (104.132,23 €) que corresponden ao 21 % de IVE, o que supón un orzamento total de seiscentos mil euros (600.000,00 €).
5. Adxudicación:
a) Data: 5 de marzo de 2015.
b) Contratista: Imaxe Intermedia, S.A.
c) Nacionalidade: española.
d) Importe de adxudicación: catrocentos oitenta mil oitenta e dous euros con cincuenta e un céntimos (480.082,51 €) ao cal se lle engaden cen mil oitocentos dezasete euros con trinta e tres céntimos (100.817,33 €) que corresponden ao 21 % de IVE, o que supón un orzamento total de cincocentos oitenta mil oitocentos noventa e nove euros con oitenta e catro céntimos (580.899,84 €).
6. Formalización: 30 de marzo de 2015.
Santiago de Compostela, 1 de abril de 2015
María Jesús Lorenzana Somoza
Secretaria xeral técnica da Consellería de Traballo e Benestar