Aprobado inicialmente por Acordo do Pleno do 29 de abril de 2015 o proxecto de modificacións puntuais do Plan xeral de ordenación municipal de San Cibrao das Viñas, de conformidade cos artigos 85.2 e 93.4 da Lei 9/2002, do 30 de decembro, de ordenación urbanística e protección do medio rural de Galicia, sométese a información pública por un prazo de dous meses contados desde o día seguinte ao da publicación deste anuncio no Diario Oficial de Galicia.
Durante o dito prazo poderá ser examinado por calquera interesado nas dependencias municipais para que se formulen as alegacións que se consideren pertinentes.
Suspéndese o outorgamento de licenzas naqueles ámbitos do territorio obxecto de planeamento cuxas novas determinacións supoñan a modificación da ordenación urbanística vixente. A duración da suspensión é dun ano.
As áreas afectadas pola suspensión son as seguintes:
– Rante: contorno das estradas A Cruz de Rante- Santa Locaia e Rante-A Merca, dentro do ámbito do solo urbano.
– Calvos: Peto de Ánimas; edificios números 11 e 21 de Rúa do Peto.
– Pazos de Soutopenedo: dous camiños de concentración parcelaria situados dentro do núcleo.
– A Laxe: predios de referencia catastral 32076A06400384, 32076A06400383 e 32076A06400398.
– Currás: extremo nordés do camiño circunvalación no extremo do núcleo rural.
– Pazos de San Clodio: vía noroeste da Praza do Cruceiro.
– San Cibrao: vía rúa Fonteboa, no tramo situado no contorno do SUR-T2.
San Cibrao das Viñas, 4 de maio de 2015
Manuel Pedro Fernández Moreiras
Alcalde