Advertidos erros na devandita orde, publicada no Diario Oficial de Galicia núm. 67, do venres 10 de abril de 2015, cómpre facer as seguintes correccións:

Na páxina 13788, artigo 8.2.B), onde di «b) Documentación que acredite o cumprimento da obriga de remisión ao Consello de Contas das contas xerais do último exercicio.», debe dicir: «b) Certificación do/a secretario/a de ter remitido ao Consello de Contas de Galicia as contas do último exercicio da entidade local.»

E na páxina 13803, disposición adicional terceira, onde di: «A concesión das axudas e subvencións previstas para o ano 2015 nesta orde estará suxeita á existencia de crédito orzamentario. Se é o caso, e de acordo co disposto no artigo 31.4 da Lei 9/2007, do 13 de xuño, de subvencións de Galicia, publicarase mediante resolución da persoa titular da Dirección Xeral de Traballo e Economía Social o esgotamento das partidas orzamentarias asignadas.», debe dicir: «A concesión das axudas e subvencións previstas para o ano 2015 nesta orde estará suxeita á existencia de crédito orzamentario.»