O 10 de abril de 2015, a xefa territorial da Consellería de Sanidade en Ourense ditou resolución do expediente sancionador 2014148AL-OU, incoado a Nilo López Conde, DNI 34954511-P, con enderezo na avda. Compostela, 173, O Carballiño (Ourense).
Intentada a notificación deste acordo segundo o disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e non sendo posible a súa práctica, por medio da presente cédula, e segundo o disposto no número 5 do referido artigo, notifícase a Nilo López Conde, o contido da referida resolución que figura como anexo, para que poida ter coñecemento del.
Así mesmo, fáiselle saber o dereito que o asiste para interpor recurso de alzada ante a conselleira de Sanidade no prazo dun mes, contado desde o seguinte ao da publicación da presente cédula, segundo establece o artigo 115 da Lei 30/1992, do 26 de novembro, e lémbraselle o seu dereito a consultar o expediente, depositado nas dependencias desta xefatura territorial sita na avda. de Zamora, nº 13 de Ourense, e obter, se é o caso, copia del, segundo o previsto na letra a) do artigo 35 da citada Lei 30/1992, do 26 de novembro.
En caso de conformidade con esta resolución deberá facer efectiva a multa no prazo de 15 días hábiles, mediante ingreso que debe efectuar en calquera oficina Abanca, empregando os impresos normalizados que lle serán facilitados nas dependencias deste departamento territorial. O pagamento voluntario porá fin ao expediente. De non facelo así procederase ao seu cobramento pola vía de constrinximento.
A presente cédula expídese para que conste e lle sirva de notificación ao interesado, en cumprimento co disposto no artigo 59.5 da Lei 30/1992, do 26 de novembro.
Ourense, 30 de abril de 2015
María Villar Suárez
Xefa territorial de Ourense
ANEXO
Expediente sancionador: 2014148AL-OU.
Interesado: Nilo López Conde.
DNI/NIF/CIF: 34954511-P.
Último enderezo coñecido: avda.Compostela, nº 173, P3b (O Carballiño-Ourense).
Feito imputado: infracción da lexislación aplicable en materia sanitaria.
Precepto infrinxido: Regulamento (CE) nº 852/2004, do 29 de abril.
Tipificación: leve.
Sanción proposta: seiscentos euros (600,00 €).