1. Xustificación da publicación do anuncio de licitación: tras a tramitación do expediente de contratación e concluído o proceso de licitación correspondente ao expediente 301/15 «Servizo de limpeza en diversos centros e instalacións da Universidade de Vigo (8 lotes)» por Resolución reitoral do 20 de maio de 2015 declaráronse desertas as adxudicacións dos lotes 6, 7 e 8. A declaración de deserto veu motivada polo feito de que nos lotes sinalados non foi admitida como válida ningunha das ofertas presentadas. A teor do sinalado no artigo 170.c) do Real decreto lexislativo 3/2011, do 14 de novembro, polo que se aproba o texto refundido da Lei de contratos do sector público, poderá tramitarse mediante procedemento negociado sen publicidade a adxudicación daqueles contratos nos cales «tras se ter seguido un procedemento aberto ou restrinxido, non se presentase ningunha oferta ou candidatura, ou as ofertas non sexan axeitadas, sempre que as condicións iniciais do contrato non se modifiquen substancialmente», supostos estes que cadrarían cos que se produciron nos lotes 6, 7 e 8 do expediente 301/15. Con todo, coa publicación deste anuncio búscase conciliar a premura na adxudicación destes contratos con, na medida do posible, garantir unha ampla concorrencia de licitadores interesados.

2. Entidade adxudicadora. Datos xerais e datos para a obtención da información:

a) Organismo. Universidade de Vigo.

b) Dependencia que tramita o expediente: Servizo de Xestión Económica e Contratación.

c) Obtención de documentación e información:

• Dependencia: Servizo de Xestión Económica e Contratación.

• Enderezo: Edificio de Xerencia-Servizos Centrais, Campus A Lagoas-Marcosende.

• Localidade e código postal: 36310 Vigo.

• Teléfono: 986 81 35 56.

• Telefax: 986 81 38 57.

• Correo electrónico: xscont@uvigo.es

• Enderezo da internet do perfil do contratante:

http://www.tablon2.uvigo.es/index.asp?idm_abr=ga

d) Número de expediente: expediente 323/15.

3. Obxecto do contrato:

a) Tipo: servizos.

b) Descrición: servizo de limpeza respectuoso co ambiente e coa seguridade e saúde laboral nos centros e instalacións da Universidade de Vigo.

c) División por lotes e número de lotes: tres lotes.

I. Lote 1: Campus das Lagoas-Marcosende. Ámbito científico: edificios de ciencias experimentais (Facultade de Bioloxía, Facultade de Ciencias do Mar, Facultade de Químicas e Biblioteca).

II. Lote 2: Campus das Lagoas-Marcosende. Ámbito xurídico-social: Facultade de Ciencias Xurídicas e do Traballo, Facultade de CC.EE. e Facultade de Filoloxía e Tradución.

III. Lote 3: Campus das Lagoas-Marcosende. Servizos xerais e de investigación: Biblioteca central, CACTI, ECIMAT, Edificio de Xerencia (servizos centrais), Reitoría, parque móbil e Servizo de Deportes.

d) Lugar de execución/entrega: os centros, edificios, instalacións e espazos pertencentes á Universidade de Vigo que aparecen mencionados no punto primeiro do prego de prescricións técnicas.

e) Prazo de execución: dous anos a partir do 1 de agosto de 2015, ou desde o día seguinte ao da sinatura do contrato se esta última data é posterior, prorrogable por períodos anuais ata un máximo de dous anos máis. A prórroga formalizarase de mutuo acordo por ambas as dúas partes antes de que remate o período de vixencia inicial.

f) Admisión de prórroga: si.

g) C.P.V :

• 90910000-Servizos de limpeza.

• 909210000-Servizos de desinfección e exterminio.

• 90922000-Servizos de control de pragas.

• 79714000-Servizos de vixilancia.

h) C.P.A: 81.2 Servizo de limpeza.

4. Tramitación e procedemento:

a) Tramitación ordinaria.

b) Procedemento negociado sen publicidade.

c) Criterios de adxudicación: os indicados no número 15 da folla de resumo de características do prego.

5. Valor estimado do contrato: 5.267.000 €.

6. Importe de licitación: 2.590.000 €. IVE: 543.900 €.

I. Lote 1. Importe neto: 620.000 €. Importe total: 750.200 €.

II. Lote 2. Importe neto: 1.100.000 €. Importe total: 1.331.000 €.

III. Lote 3. Importe neto: 870.000 €. Importe total: 1.052.700 €.

7. Garantías exixidas.

• Provisional: non se exixe.

• Definitiva: 5 % do importe de adxudicación, excluído o IVE.

• Complementaria: considerando que o único criterio de adxudicación é a redución do importe de licitación, estímase oportuno que naqueles supostos en que as empresas estean inicialmente incursas en oferta anormal ou desproporcionada se exixa unha garantía complementaria do 5 %.

8. Requisitos específicos do contratista:

I. Para as empresas españolas exíxese clasificación.

Lotes 1, 2 e 3: grupo U, subgrupo 1, categoría C.

II. Para todas as empresas estranxeiras (en todos os lotes).

Solvencia económico-financeira e solvencia técnica e profesional: as que se indican, respectivamente, nos números 10, 11 e 12 da folla de resumo de características.

III. Para todas as empresas (en todos os lotes).

Outros requisitos específicos: os indicados no número 12 da folla de resumo de características do prego de cláusulas administrativas.

9. Presentación de ofertas ou de solicitudes de participación:

a) Data límite de presentación: anunciarase no perfil do contratante da Universidade de Vigo.

b) Modalidade de presentación: papel dous sobres A e B.

c) Fases de negociación: as reflectidas no número 15 da folla de resumo de características do prego de cláusulas administrativas.

d) Lugar de presentación: o reflectido no número 17 da folla de resumo de características.

10. Gastos de publicidade: serán por conta da Universidade de Vigo.

Vigo, 22 de maio de 2015

P.D. (Resolución do 7.5.2014; DOG do 13 de maio)
Manuel Fernández Jáuregui
Xerente da Universidade de Vigo