Para os efectos previstos na Lei 24/2013, do 26 de decembro (BOE nº 310), do sector eléctrico, e no título VII do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa previa e de construción da instalación eléctrica que se describe:
Solicitante: Corsán-Corvian Construcción, S.A.
Domicilio social: Caballero Andante, 8, 28021 Madrid.
Denominación: LMT soterrada Meilán, 1, 2 depósitos A Piringalla.
Situación: concello de Lugo.
Características técnicas:
1. Liña de media tensión soterrada en canalización existente e proxectada (238 metros) con orixe no Dep. auga (10.283) e final no apoio P1 cunha lonxitude de 540 metros, en condutor tipo RHZ-240.
Todas aquelas persoas ou entidades que se consideren afectadas poderán examinar o proxecto e presentar as súas alegacións, nesta xefatura territorial, sita na rolda da Muralla, nº 70, baixo 2, Lugo, no prazo de vinte días a partir do seguinte ao da última publicación desta resolución.
Lugo, 7 de maio de 2015
Pilar Fernández López
Xefa territorial de Lugo