De conformidade co establecido no Decreto 206/2005, do 22 de xullo (DOG núm. 145, do 29 de xullo), de provisión de prazas de persoal estatutario do Servizo Galego de Saúde, e na Orde do 24 de maio de 2006 (DOG núm. 106, do 5 de xuño), pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde, e en virtude das competencias atribuídas polo Decreto 43/2013, do 21 de febreiro (DOG núm. 47, do 7 de marzo), polo que se establece a estrutura orgánica do Servizo Galego de Saúde, modificado polo Decreto 111/2013, do 4 de xullo (DOG núm. 140, do 24 de xullo), e na Orde do 12 de abril de 2013 (DOG núm. 76, do 19 de abril), polo que se desenvolve a estrutura organizativa de Xestión Integrada das áreas de Lugo, Cervo e Monforte de Lemos, así como na Orde do 5 de xullo de 2012 (DOG núm. 139, do 20 de xullo), sobre delegación de competencias en órganos centrais e periféricos do Servizo Galego de Saúde, esta xerencia
DISPÓN:
Primeiro. Anunciar a convocatoria para cubrir, polo procedemento de avaliación colexiada, a provisión dos postos de xefe de sección do Hospital Universitario Lucus Augusti de Lugo que se relacionan no anexo.
Segundo. As retribucións dos postos ofertados serán as que correspondan de acordo coas ordes vixentes polas cales se ditan instrucións sobre a confección de nóminas do persoal ao servizo da Administración autonómica.
Terceiro. As bases íntegras da convocatoria estarán expostas nos taboleiros de anuncios, así como na intranet da Xerencia de Xestión Integrada de Lugo, Cervo e Monforte de Lemos.
Cuarto. As solicitudes para participar nesta convocatoria dirixiranse á Xerencia de Xestión Integrada de Lugo, Cervo e Monforte de Lemos (Hospital Universitario Lucus Augusti de Lugo; r/ Dr. Ulises Romero, 1, C.P. 27003 Lugo), e poderán presentarse no Rexistro Xeral ou mediante calquera dos procedementos do artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común, no prazo de trinta días naturais, contados a partir do seguinte ao da publicación deste anuncio no Diario Oficial de Galicia.
Lugo, 12 de maio de 2015
Antonio García Quintáns
Xerente de Xestión Integrada de Lugo, Cervo e Monforte de Lemos
ANEXO
Denominación do posto |
Prazas |
Centro |
Xefe/a da Sección de Anestesioloxía e Reanimación (C.M.A.) |
1 |
Hospital Universitario Lucus Augusti de Lugo |
Xefe/a da Sección de Enfermidades Infecciosas |
1 |
Hospital Universitario Lucus Augusti de Lugo |
Xefe/a da Sección de Medicina Interna |
2 |
Hospital Universitario Lucus Augusti de Lugo |