O Pleno da Corporación Municipal, na sesión ordinaria do 5 de maio de 2015, aprobou inicialmente a inclusión da parcela catastral 322, polígono 11, e as súas edificacións do Centro Sociocultural de Ribeira no inventario municipal de bens inmobles de titulariade do Concello do Porriño, acordo que ten o seguinte contido literal:
«1º. Aprobar inicialmente a inclusión da parcela catastral 322, polígono 11, no inventario municipal de bens inmobles, parcela do Centro Sociocultural de Ribeira.
2º. Aprobar inicialmente a inclusión das edificacións do Centro Sociocultural de Ribeira que forman parte da parcela catastral 322, polígono 11, no inventario municipal de bens inmobles.
3º. Someter o expediente a exposición pública por un prazo de trinta días mediante publicación no Diario Oficial de Galicia e no taboleiro de edictos do concello».
O que se fai público para xeral coñecemento, para que os interesados presenten as alegacións, reclamacións e suxestións que xulguen convenientes, en cumprimento do estipulado pola lexislación vixente, polo que se somete o expediente a información pública por un prazo de trinta días mediante publicación no Diario Oficial de Galicia e taboleiro de edictos e páxina web do concello para os efectos de que os interesados presenten as reclamacións e suxestións que xulguen convenientes.
O Porriño, 11 de maio de 2015
José Nelson Santos Argibay
Alcalde