Mediante Resolución do 19 de maio de 2015, do director xeral da Función Pública (DOG núm. 93, do 20 de maio), convocouse concurso para a provisión de postos de traballo vacantes na Administración xeral da Xunta de Galicia.

No anexo I da Resolución do 19 de maio, onde figuran os postos que se ofertan, advertiuse a omisión de características que figuran nas RPT dos postos que a seguir se sinalan, polo que procede a súa inclusión:

No posto número 779, a observación «xornada mañá ou tarde».

No posto número 951, a formación específica «641 - Para persoal doutra Administración, curso de iniciación de galego (R.I.)».

Polo exposto, en uso das competencias que ten atribuídas no artigo 1 da Orde do 8 de xullo de 2013 sobre delegación de competencias na Dirección Xeral da Función Pública, modificada pola Orde do 26 de agosto de 2013, esta dirección xeral

RESOLVE:

Primeiro. Incluír no anexo I da Resolución do 19 de maio de 2015 as omisións sinaladas nos postos número 779 e número 951:

Segundo. Concederlles aos integrantes da agrupación profesional que xa presentaron a súa solicitude e solicitaron o posto número 779, e que non estean interesados nel coa observación omitida, un prazo ata o día 11 de xuño para que poidan presentar un escrito en que renuncien ao dito posto.

Santiago de Compostela, 2 de xuño de 2015

José María Barreiro Díaz
Director xeral da Función Pública