O Consello da Xunta de Galicia, na súa sesión do 10 de abril de 2014, acordou a publicación no Diario Oficial de Galicia do contido das declaracións de bens patrimoniais dos membros da Xunta de Galicia a que se refire o artigo 10.5 da Lei 9/1996, do 18 de outubro, de incompatibilidades dos membros da Xunta de Galicia e altos cargos da Administración autonómica, tanto tras o seu nomeamento como tras o seu cesamento, e referida a ese momento, reflectida no modelo que se xuntou como anexo ao acordo.
En virtude do Decreto 15/2015, do 9 de febreiro (DOG núm. 27, do 10 de febreiro), Román Rodríguez González tomou posesión no cargo de conselleiro de Cultura, Educación e Ordenación Universitaria e completou e presentou o anexo no Rexistro de Bens Patrimoniais de Altos Cargos.
En virtude do Decreto 16/2015, do 9 de febreiro (DOG núm. 27, do 10 de febreiro), Valeriano Martínez García tomou posesión no cargo de conselleiro de Facenda e completou e presentou o anexo no Rexistro de Bens Patrimoniais de Altos Cargos.
Procede, en consecuencia, dar publicidade ao contido dos anexos presentados para tal efecto, comprensivos da situación patrimonial que declaran no momento do seu nomeamento, e que se publican como anexo a este anuncio.
Tal e como consta no referido modelo anexo aprobado polo acordo do Consello:
1. Non se inclúen os seguros de vida.
2. No suposto de bens indivisos, indícase o valor que corresponde segundo a porcentaxe de participación do declarante no ben ou dereito patrimonial.
Santiago de Compostela, 11 de maio de 2015
José María Barreiro Díaz
Director xeral da Función Pública
ANEXO
Titular do cargo: Román Rodríguez González Cargo público orixe da declaración: conselleiro de Cultura, Educación e Ordenación Universitaria Motivo: toma de posesión I. Activo 1. Bens inmobles (segundo o valor catastral): 59.029,50 € 2. Valor total doutros bens: 66.613,98 € 3. Total: 125.643,48 € II. Pasivo (créditos, préstamos, débedas, etc.): 141.035,00 € |
Titular do cargo: Valeriano Martínez García Cargo público orixe da declaración: conselleiro de Facenda Motivo: toma de posesión I. Activo 1. Bens inmobles (segundo o valor catastral): 21.533,41 € 2. Valor total doutros bens: 1.940,25 € 3. Total: 23.473,66 € II. Pasivo (créditos, préstamos, débedas, etc.): 132.500 € |