Número expediente: IN407A 2015/109-1.
Solicitante: Electra de Santa Comba, S.L.
Denominación: LMTS, CT, RBT Fontenla-Santa Comba.
Concello: Santa Comba.
Características técnicas:
Instalación e montaxe do centro de transformación en caseta prefabricada Fontenla, incluíndo 2 celas de media tensión: unha cela de entrada de liña motorizada e unha cela de protección mediante fusibles para un transformador de 400 kVA, cuxo fin será a subministración á conexión á rede de baixa tensión de distribución, todas elas con illamento e corte en SF6.
Instalación e montaxe dunha cela de liña motorizada, orixe na liña no CT Moreira.
Tramo de liña soterrada de alta tensión de interconexión entre o CT Moreira (expte.: IN407A 2010/127) e o centro de transformación Fontenla proxectado, en simple circuíto con condutores unipolares de aluminio e illamento seco tipo RHZ1-20L 12/20 3(1×240 Al), de 205 metros de lonxitude.
Lexislación de aplicación:
– Lei 24/2013, do 26 de decembro, do sector eléctrico (BOE núm. 310, do 27 de decembro).
– Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 1 de decembro).
– Resolución do 19 de febreiro de 2014 pola que se aproba o procedemento de autorización administrativa de construción de acordo co previsto na Lei 24/2013, do 26 de decembro, do sector eléctrico (DOG núm. 54, do 19 de marzo de 2014).
Todas aquelas persoas ou entidades que se consideren afectadas poderán examinar o expediente e presentar alegacións na Xefatura Territorial de Economía e Industria, sita na rúa Vicente Ferrer, 2-2ª planta, 15071 A Coruña, no prazo de vinte días, a partir do día seguinte ao da última publicación desta resolución.
A Coruña, 22 de abril de 2015
Isidoro Martínez Arca
Xefe territorial da Coruña