Ao abeiro do establecido na Lei 16/1987, do 30 de xullo, de ordenación dos transportes terrestres, e no seu regulamento de execución, aprobado polo Real decreto 1211/1990, do 28 de setembro, iniciouse expediente de ampliación de tráficos entre Puxeiros e o novo Hospital de Vigo, do contrato de xestión V-7064; XG-438, Ourense-Ribadavia-A Cañiza-O Porriño-Vigo, con anexos, de Auto Industrial, S.A.
Os interesados ou afectados no expediente poderán comparecer no procedemento e, despois do exame da documentación pertinente no Servizo de Mobilidade de Ourense (r/ José Ángel Valente, 2, baixo), efectuar as alegacións que consideren oportunas no prazo de sete días, que se contarán a partir do día seguinte ao da publicación deste anuncio no Diario Oficial de Galicia.
Dentro dese mesmo prazo poderase acceder á documentación en soporte electrónico mediante a súa solicitude no enderezo mobilidade.ourense@xunta.es .
Ourense, 12 de xuño de 2015
Ángel Míguez López
Xefe do Servizo de Mobilidade de Ourense