Marta Yanguas del Valle, secretaria xudicial do Xulgado do Social número 1 de reforzo da Coruña, fago saber que no procedemento de despedimento/cesamentos en xeral 1027/2014 deste xulgado do social, seguido por instancia de María Cristina Nogueira Rilo contra Interveira, S.L.U., Lost in Lost Out, S.L.U., Fogasa, sobre despedimento, se ditou a resolución cuxo encabezamento e parte dispositiva son do teor literal seguinte:

Sentenza: 295/2015.

Xuíz: Javier López Cotelo.

Procedemento: despedimento 1027/2014.

Demandante: María Cristina Nogueira Rilo.

Letrada: Sra. Briones Amor.

Demandados:

– Lost in Lost Out, S.L.U.

Letrado:

– Interveira, S.L.U.

Letrado: Sr. Domínguez Castiñeiras.

Fogasa.

Sentenza 295/2015.

A Coruña, 15 de xuño de 2015.

Decisión:

1º. Estimo a demanda sobre despedimento formulada por María Cristina Nogueira Rilo fronte a Lost in Lost Out, S.L. e, en consecuencia, declaro a improcedencia do despedimento e condeno a demandada a que readmita inmediatamente o traballador nas mesmas condicións que rexían antes de producirse o despedimento, ou ben, á elección da empresa, a que extinga a relación laboral con aboamento da indemnización detallada no número segundo desta decisión. Todo iso con aboamento, no caso de opción pola readmisión, dos salarios de tramitación que non percibise ata a notificación da presente sentenza.

A dita opción deberá exercerse en 5 días a partir da notificación desta sentenza, mediante escrito ou comparecencia ante este xulgado. Transcorrido o dito termo sen que se optase, entenderase que procede a readmisión.

2º. A indemnización e os salarios de tramitación que aboará a empresa demandada, segundo o disposto no número anterior, son os seguintes:

– En concepto de indemnización, e de optar a empresa por ela: a cantidade de 12.397,49 euros.

– En concepto de salarios de trámite, para o caso de opción pola readmisión, os deixados de percibir desde a data do despedimento e ata a notificación da presente sentenza, calculados a razón de 42,53 €/día.

3º. Desestimo a demanda sobre despedimento formulada por María Cristina Nogueira Rilo fronte a Interveira, S.L.U. e, en consecuencia, absolvo esta de todos os pedimentos formulados fronte a ela.

Inscríbase a presente resolución no libro de sentenzas e deíxese testemuño desta no presente procedemento.

Notifíqueselles esta sentenza ás partes advertíndolles que contra ela se poderá interpor recurso de suplicación ante o Tribunal Superior de Xustiza de Galicia, o cal deberá anunciarse neste xulgado no prazo dos cinco días seguintes á notificación desta resolución por comparecencia ou mediante escrito, pasados os cales se declarará firme e se procederá ao seu arquivamento.

Advírtaselle igualmente ao recorrente que non fose traballador ou beneficiario do réxime público da Seguridade Social, ou habente causa seu, ou non teña recoñecido o beneficio da xustiza gratuíta, que deberá depositar a taxa establecida na Lei 10/2012, do 20 de novembro.

Así o pronuncio, mando e asino, Javier López Cotelo, xuíz social de reforzo.

Publicación. A anterior sentenza foi lida e publicada polo xuíz que a subscribe no día da súa data, do cal eu, a secretaria xudicial, dou fe.

E para que conste e sirva de notificación a Lost in Lost Out, S.L.U., en ignorado paradoiro, expídese a presente cédula para a súa publicación no Diario Oficial de Galicia e colocación no taboleiro de anuncios.

A Coruña, 15 de xuño de 2015

A secretaria xudicial