Mediante a Resolución do 30 de xuño de 2015, o director xeral da Academia Galega de Seguridade Publica, en virtude das atribucións que legalmente ten conferidas na Lei 1/2007, do 15 de xaneiro, da Academia Galega de Seguridade Pública, e en cumprimento do previsto no segundo parágrafo do artigo 151.3 do Real decreto lexislativo 3/2011, do 14 de novembro, polo que se aproba o texto refundido da Lei de contratos do sector público, resolveu declarar deserto o procedemento aberto publicado no DOG núm. 73, do 20 de abril de 2015, para a selección de oferta para a xestión de servizo público das instalacións da piscina da Academia Galega de Seguridade Pública (Agasp), por non axustarse ningunha das ofertas presentadas aos pregos de licitación.

Contra a resolución pola que se declara deserta a licitación, que non esgota a vía administrativa, cabe interpor, tal como preceptúa o artigo 17.1 da Lei 1/2007, do 15 de xaneiro, da Academia Galega de Seguridade Pública, recurso de alzada ante o vicepresidente e conselleiro da Presidencia, Administracións Públicas e Xustiza no prazo dun (1) mes, contado desde o día seguinte ao da recepción da notificación da resolución polos interesados, sen prexuízo de que se poida exercer, de ser o caso, calquera outro que se coide procedente.

O que se fai público en cumprimento do disposto no artigo 60 da Lei 30/1992, de réxime xurídico das administracións públicas e do procedemento administrativo común.

A Estrada, 30 de xuño de 2015

Luís Menor Pérez
Director xeral da Academia Galega de Seguridade Pública