O texto refundido da Lei de portos do Estado e da mariña mercante, Real decreto lexislativo 2/2011, do 5 de setembro, no seu artigo 30 atribúelles ás comunidades autónomas as facultades de designación e separación dos vogais dos consellos de administración das autoridades portuarias de interese do Estado situadas no seu territorio, que deberán facerse necesariamente por proposta das administracións públicas e organismos e entidades que aqueles representen.
O acordo do Consello da Xunta de Galicia do 16 de setembro de 2010 faculta a persoa titular da consellería competente en materia de portos para o exercicio das devanditas competencias.
Polo exposto, en exercicio da facultade atribuída,
DISPOÑO:
O cesamento de Julio Antonio Flores Pérez e Roberto Luis Coira Andrade como vogais no Consello de Administración da Autoridade Portuaria da Coruña en representación do Concello da Coruña, agradecéndolles os servizos prestados.
Santiago de Compostela, 29 de outubro de 2015
Rosa María Quintana Carballo
Conselleira do Mar