Para os efectos previstos nos artigos 73 e 104 da Lei 34/1998, do 7 de outubro, do sector de hidrocarburos, nos artigos 78 e 96 do Real decreto 1434/2002, do 27 de decembro, polo que se regulan as actividades de transporte, distribución, comercialización, subministración e procedementos de autorización de instalacións de gas natural, e nos artigos 18 da Lei de expropiación forzosa e 17 do seu regulamento, sométese ao trámite de información pública a solicitude de aprobación do proxecto de execución e recoñecemento, en concreto, da utilidade pública da infraestrutura gasista denominada Rede de distribución para subministración de gas natural en MOP 0,4 bar a Arzúa (A Coruña), que promove a empresa Gas Galicia SDG, S.A. e que está declarada de utilidade pública polo artigo 103 da citada Lei 34/1998.
Peticionario:
Gas Galicia SDG, S.A., con CIF nº A15383284 e con enderezo para os efectos de notificación na rúa Lisboa, s/n, Edificio Área Central, local 31-HIJ, 15707 Santiago de Compostela (A Coruña).
Antecedentes:
O 16.4.2013 a Dirección Xeral de Industria, Enerxía e Minas ditou resolución pola que se outorgou a Gas Galicia SDG, S.A. a autorización administrativa para a distribución de gas natural canalizado no termo municipal de Arzúa (A Coruña), que se publicou no Diario Oficial de Galicia (11.7.2013) e no Boletín Oficial da provincia (30.5.2013). Segundo consta neste proxecto de autorización administrativa, a subministración de gas natural proxéctase a través dunha planta de gas natural licuado (GNL) situada ao oeste do núcleo urbano de Arzúa, e desde a cal partirá a rede de distribución cara a este núcleo urbano, que acadará unha lonxitude de 8.028 m.
Obxecto da petición:
O obxecto da petición é a aprobación do proxecto de execución e o recoñecemento, en concreto, da utilidade pública da infraestrutura gasista, cuxo proxecto leva por título Rede de distribución para subministración de gas natural en MOP 0,4 bar a Arzúa (A Coruña), que inclúe a instalación da rede de distribución pero non a da planta de GNL, a cal é obxecto doutro proxecto de execución que se está a tramitar baixo outro número de expediente (IN627A 2015/21-0).
Descrición das instalacións:
A planta de GNL, obxecto doutro proxecto de execución, instalarase na parcela de referencia catastral número 15006A5140060400000K (polígono 514, parcela 604), situada na rúa Río Vello, no Polígono Empresarial de Arzúa e que se corresponde coa parcela elixida no proxecto que serviu de base para o outorgamento da autorización administrativa.
A rede de distribución obxecto do presente proxecto terá o seu inicio na válvula de saída da planta de GNL, discorrerá soterrada, dimensionarase para unha presión relativa de cálculo de 0,4 bar e construirase en polietileno de calidade PE-100 SDR 17,6 en distintos diámetros (160, 110, 90 e 63 mm), e acadará unha lonxitude de 8.489 m.
Termo municipal:
A solicitude afecta o termo municipal de Arzúa, na provincia da Coruña.
Orzamento:
Cincocentos catro mil nove euros con trece céntimos (504.009,13 €).
Afección a predios particulares:
A afección a predios particulares derivada da execución do proxecto titulado Rede de distribución para subministración de gas natural en MOP 0,4 bar a Arzúa (A Coruña) concrétase na seguinte forma:
1. Expropiación forzosa en pleno dominio dos terreos sobre os cales se construirán as instalacións fixas en superficie.
2. Para as canalizacións:
A) Imposición de servidume permanente de paso de gas ao longo do trazado da condución, cunha anchura de tres (3) metros, un e medio (1,5) a cada lado do eixe, por onde discorrerá soterrada a tubaxe e cable de comunicación e telemando que se requiran para a condución do gas. Esta servidume que se establece estará suxeita ás seguintes limitacións de dominio:
– Prohibición de efectuar traballos de labra, cavado ou similares a unha profundidade superior a cincuenta (50) centímetros, así como de plantar árbores ou arbustos de talo alto.
– Prohibición de realizar calquera tipo de obra, construción, edificación, movemento de terras ou efectuar algún acto que rebaixe a cota do terreo ou poida danar ou perturbar o bo funcionamento das instalacións.
– Libre acceso do persoal e equipos necesarios para a vixilancia e para manter, reparar ou renovar as instalacións, co pagamento, se é o caso, dos danos que se ocasionen.
– Posibilidade de instalar os fitos de sinalización ou delimitación e os tubos de ventilación, así como de realizar as obras superficiais ou subterráneas que sexan necesarias para isto.
B) Contigua á zona de servidume permanente antes detallada existe unha zona de seguridade, definida na norma UNE 60.305.83 (que se adopta para as canalizacións de polietileno, de desenvolvemento posterior, por requirir a mesma protección que as tubaxes de aceiro), que se estende ata cinco (5) metros a cada lado do eixe da canalización, na cal a execución de escavacións ou obras pode representar un cambio nas condicións de seguridade da canalización e na cal non se dan as limitacións anteriores nin se prohiben as obras incluídas como prohibidas na zona de servidume de paso, sempre que sexa informado previamente o titular da instalación para a adopción das accións oportunas que eviten os riscos potenciais para a canalización.
C) Ocupación temporal dos terreos necesarios para a execución das obras, da franxa que se reflicte para cada parcela nos planos parcelarios de expropiación. Nesta zona farase desaparecer temporalmente todo obstáculo e realizaranse os traballos ou operacións necesarias para o tendido e instalación da canalización e elementos anexos.
O que se fai público para coñecemento xeral e especialmente dos propietarios de terreos e demais titulares afectados polo proxecto titulado Rede de distribución para subministración de gas natural en MOP 0,4 bar a Arzúa (A Coruña), na relación que se insire como anexo a esta resolución, para que poidan examinalo na Dirección Xeral de Enerxía e Minas da Consellería de Economía e Industria, Edificio Administrativo San Caetano, bloque 5, 4º andar, 15781 Santiago de Compostela, ou na Xefatura Territorial da Coruña da Consellería de Economía e Industria, rúa Vicente Ferrer, 2, 15071 A Coruña, e presentar nos ditos centros as alegacións que consideren oportunas no prazo de 20 días a partir do seguinte á publicación deste anuncio. Os planos parcelarios poderán ser igualmente consultados no Concello de Arzúa.
Santiago de Compostela, 13 de outubro de 2015
Ángel Bernardo Tahoces
Director xeral de Enerxía e Minas
ANEXO
Relación de predios afectados polo proxecto titulado Rede de distribución
para subministración de gas natural en MOP 0,4 bar a Arzúa (A Coruña)
Abreviaturas utilizadas: SE: expropiación en pleno dominio; SP: servidume permanente de paso; OT: ocupación temporal; POL: polígono; PAR: parcela; CO: A Coruña; AR: Arzúa.
Termo municipal: Arzúa (A Coruña).
Nº de predio |
Titular e enderezo |
Afección |
Catastro |
Lugar |
Natureza |
||||
SE |
SP |
OT |
POL |
PAR |
|||||
m2 |
ml |
m2 |
m2 |
||||||
CO-AR-01 |
Herdeiros de Elena Álvarez Gil R/ Ramón Franco, 74, 15810 Arzúa (A Coruña) |
4,00 |
106,00 |
319,00 |
859,00 |
15 |
78 |
Río Vello |
Rústico |