A Consellería de Facenda, a través da mesa presidida polo subdirector xeral do Patrimonio, coa asistencia dun letrado da Asesoría Xurídica da Xunta de Galicia, un representante da Intervención Xeral da Comunidade Autónoma e un funcionario da Secretaría Xeral Técnica e do Patrimonio, que actuará como secretario, anuncia a realización das seguintes poxas de bens inmobles:

A) Ás 11.00 horas do día 13 de xaneiro de 2016 no salón de actos número dous da Vicepresidencia e Consellería de Presidencia, Administracións Públicas e Xustiza, no Edificio Administrativo de San Caetano, Santiago de Compostela:

1. Parcela nº 929, Coquiño, situada en Santa María de Cruces, concello de Padrón, cunha superficie aproximada de 1.406 m2. Referencia catastral: 9894202NH3400N0001QW. Acordo de alleamento do 29 de abril de 2014. Inscrita no Rexistro da Propiedade de Padrón como predio nº 9.672, tomo 487, libro 110 e folio 116.

Tipo de licitación cuarta poxa: 1.600 euros.

2. Parcela nº 568, Devesiña, situada en Santa María de Cruces, concello de Padrón (A Coruña), cunha superficie aproximada de 690 m2. Referencia catastral: 15066B503005680000FO. Acordo de alleamento do 18 de novembro de 2014. Inscrita no Rexistro da Propiedade de Padrón como predio nº 9.648, tomo 487, libro 110 e folio 92.

Tipo de licitación cuarta poxa: 6.000 euros.

3. Parcela situada no concello de Monforte de Lemos, na rúa Valle Inclán, 157, cunha superficie de 103,80 m2. Referencia castastral: 3594022PH2039S0001LZ. Acordo de alleamento do 13 de outubro de 2014. Inscrito no Rexistro da Propiedade de Monforte de Lemos no tomo 792, libro 339, folio 117, predio 34.425.

Tipo de licitación cuarta poxa: 1.008 euros.

B) Ás 11.30 horas do día 14 de xaneiro de 2016 na sala de conferencias do Edificio Administrativo da Xunta de Galicia situado na rúa Fernández Ladreda, número 43, Pontevedra:

1. Predio urbano. Piso segundo, fondo, letra B, destinado a vivenda, sito no segundo andar da casa situada na cidade de Pontevedra, na rúa Doutor Loureiro Crespo, sen número (hoxe 14). Mide 79 m2 de superficie útil, distribuída en vestíbulo, estar-comedor, tres dormitorios, cociña, baño, aseo, lavadoiro a patio de luces e balcón ao fondo. Referencia catastral: 0076006NG3907N0007FX. Acordo de alleamento do 19 de febreiro de 2015. Inscrito no Rexistro da Propiedade de Pontevedra nº 1, co número 21.253, no folio 110, do libro 1.804, tomo 1.935 do arquivo.

Tipo de licitación cuarta poxa: 40.568 euros.

2. Predio urbano. Vivenda B no segundo andar do edificio situado na avenida Xoán Carlos I, s/n, hoxe rúa Carrasqueira, número 2, Pontevedra, con acceso polo portal 6, de 105 m2 de superficie útil. A vivenda anexa unha praza de aparcadoiro, nº 124, no soto segundo, cunha superficie útil de 12,53 m2 e unha adega ou rocho, nº 109, no soto segundo, cunha superficie útil de 3,49 m2. Referencia catastral: 0775601NG3907N0098LJ. Acordo de alleamento do 26 de maio de 2014. Inscrito no Rexistro da Propiedade de Pontevedra nº 1, co número 60.711, no folio 196, do libro 786, tomo 1.586 do arquivo.

Tipo de licitación cuarta poxa: 99.000 euros.

3. Predio urbano. Piso esquerda, fronte da terceira planta da casa nº 37 da rúa Benito Corbal de Pontevedra, destinada a vivenda, de 148,58 m2. Referencia catastral: 9879012NG2997N0016MY. Piso esquerda, fondo da terceira planta da casa nº 37 da rúa Benito Corbal de Pontevedra, destinada a vivenda, de 90,32 m2. Referencia catastral: 9879012NG2997N0014ZR. Acordo de alleamento do 17 de novembro de 2015. Inscrito no Rexistro da Propiedade nº 1 de Pontevedra no tomo 1.936, libro 1.085, folio 219, inscrición terceira do predio 14.635, e tomo 1.936, libro 1.085, folio 220, inscrición terceira do predio 14.637.

Tipo de licitación primeira poxa: 260.310,60 euros.

Tipo de licitación segunda poxa: 221.264,01 euros.

Tipo de licitación terceira poxa: 182.217,42 euros.

4. Predio urbano. Casa situada na praza do Teucro, 18, esquina rúa Real da cidade de Pontevedra, composta de semisoto, baixo e un piso duns 276 m2 segundo o Rexistro da Propiedade, e duns 496 m2 segundo os datos da Dirección Xeral do Catastro. Referencia catastral: 9280503NG2998S0001GL. Acordo de alleamento do 17 de novembro de 2015. Inscrito no Rexistro da Propiedade de Pontevedra nº 1 como predio nº 3.753, tomo 306, libro 98 e folio 120.

Tipo de licitación primeira poxa: 828.858,81 euros.

5. Predio urbano. Local na entreplanta do edificio sinalado co nº 30 (nº 28 segundo o Catastro) da avenida Doutor Tourón, concello de Vilagarcía de Arousa, cunha superficie útil de 121,21 m2. Referencia catastral: 9257810NH1195N0005BL. Acordo de alleamento do 12 de maio de 2014. Inscrita no Rexistro da Propiedade de Vilagarcía de Arousa como predio nº 11.041, libro 298 e folio 105.

Tipo de licitación primeira poxa: 37.767,40 euros.

Tipo de licitación segunda poxa: 32.102,29 euros.

Tipo de licitación terceira poxa: 26.437,18 euros.

Os bens poxaranse independentes e os interesados poden concorrer a calquera deles. Para tomar parte na poxa é requisito indispensable consignar o 20 % da cantidade sinalada como tipo de licitación do inmoble perante a mesa, ou acreditar que se depositou tal cantidade na Caixa de Depósitos.

Serán por conta dos adxudicatarios os custos dos anuncios, rateados segundo os tipos dos bens, así como os orixinados pola adxudicación e formalización da escritura pública da venda; os demais gastos e impostos derivados da transmisión serán de aplicación conforme o disposto na lei.

O prego de condicións que rexe o presente alleamento está á disposición dos interesados na Subdirección Xeral do Patrimonio, así como na páxina web da Consellería de Facenda (http://www.conselleriadefacenda.es/a-conselleria/transparencia/contratacion-patrimonial/procedementos-de-licitacion#).

Poderanse visitar os inmobles urbanos, para o cal se deberá concertar cita previa.

Teléfono de información: 981 54 41 51.

Santiago de Compostela, 17 de novembro de 2015

Mª del Socorro Martín Hierro
Secretaria xeral técnica e do Patrimonio da Consellería de Facenda