O Pleno da corporación, en sesión de data 14 de decembro de 2015, aprobou inicialmente a proposta de modificación do escudo heráldico do Concello de Meaño e adoptou a bandeira, co seguinte brasonamento e descrición da bandeira:
Escudo:
«De prata (branco), un piñeiro ao natural, flanqueado de dous acios de sinople (verde) e, na punta, dúas ondas de azur (azul). Ao timbre, a coroa real».
Bandeira:
«O pano verde e ao centro unha franxa branca, vertical e de dous terzos do ancho, co piñeiro ao natural, flanqueado de dous acios de uvas verdes».
Dando cumprimento ao artigo 16 do Decreto 19/2010, do 11 de febreiro, polo que se aproba o Regulamento de símbolos das entidades locais de Galicia, sométese a información pública, mediante anuncios publicados no Diario Oficial de Galicia, taboleiro de edictos e na páxina web do concello, durante o prazo dun mes desde o día seguinte á publicación no DOG, para que os interesados poidan efectuar as alegacións que consideren oportunas.
Meaño, 22 de decembro de 2015
Mª Lourdes Ucha Varela
Alcaldesa