Outorgada a declaración de utilidade pública, que leva implícita a urxente ocupación dos bens e dereitos afectados polas instalacións da liña eléctrica LMTS, CT e RBT O Arcebispo (A Pobra do Caramiñal) (IN407A 2014/168-1), por Resolución da Xefatura Territorial da Coruña do 26 de outubro de 2015, a favor da entidade beneficiaria Unión Fenosa Distribución, S.A., efectúase a convocatoria para o levantamento das actas previas á ocupación de acordo co establecido no artigo 52.2 da Lei de expropiación forzosa. Mediante o presente anuncio convócanse todas as persoas interesadas no acto de levantamento das actas previas á ocupación que terá lugar sobre o terreo, seguindo o cadro anexo que máis abaixo se detalla.

Tal e como se establece no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, a publicación no Boletín Oficial del Estado resulta preceptiva «cando os interesados nun procedemento sexan descoñecidos, se ignore o lugar de notificación ou o medio a que se refire o punto 1 deste artigo, ou ben, intentada a notificación, non se puidese practicar...».

Ao acto deberán comparecer as persoas titulares dos bens ou dereitos afectados, por si ou representados por persoa debidamente autorizada, e exhibir o su DNI/NIF, así como os documentos acreditativos da titularidade.

A Coruña, 30 de decembro de 2015

Isidoro Martínez Arca
Xefe territorial da Coruña

ANEXO

Expediente: IN407A 2014/168-1.

Solicitante: Unión Fenosa Distribución, S.A.

Denominación: LMTS, CT e RBT O Arcebispo

Concello: A Pobra do Caramiñal.

Predio	Concello	Lugar	Titular	Data	Hora
1	A Pobra do Caramiñal	Outeiro	Descoñecido	25.2.2016	11.45