O Pleno do Concello de Meira, reunido na sesión extraordinaria o día 3 de marzo de 2016, adoptou por unanimidade dos seus membros o seguinte acordo:

• Aprobación da modificación do uso dotacional previsto na ordenación urbanística vixente da parcela sita neste termo municipal, soar sito entre a rúa Grupo Escolar e a rúa Frei Vidal, no que actualmente se atopa una construción que no seu día pretendía acoller a escola de música municipal e que actualmente ten a cualificación de edificación aberta deportiva recreativa.

Con esta modificación plenaria, feita ao abeiro do artigo 47.4 da Lei 9/2002, de ordenación urbanística e protección do medio rural de Galicia (Louga), que sinala:

«O Concello en pleno, por maioría absoluta e sen necesidade de seguir o procedemento de modificación do planeamento, poderá acordar o cambio do uso dos terreos reservados para equipamentos públicos por outro de uso dotacional público distinto, sempre que se manteña a titularidade pública ou se destine a incrementar as zonas verdes e espazos libres públicos».

Con este acordo plenario, procédese á modificación da ordenanza RED (recreativo de espectáculo deportivo) do vixente Plan de ordenación urbana de Meira, incluíndo, para a parcela sinalada no parágrafo primeiro, como uso compatible o grao 5º regulado na ordenanza sanitario-asistencial do citado planeamento, coa finalidade de poder levar a cabo a construción dunha residencia para persoas maiores e centro de día.

O dito acordo de modificación será comunicado á Consellería de Medio Ambiente e Ordenación do Territorio da Xunta de Galicia de acordo co disposto no artigo 92.3 da Louga.

Contra este acordo, que pon fin á vía administrativa, poderase interpor recurso contencioso-administrativo, ante o Tribunal Superior de Xustiza de Galicia, no prazo de dous meses contado a partir do día seguinte ao da publicación deste anuncio.

Meira, 4 de marzo de 2016

Antonio de Dios Álvarez
Alcalde