Intentada a notificación do acordo da xefa territorial da Consellería de Economía, Emprego e Industria de Lugo polo que se inicia o procedemento de reintegro da subvención concedida, e non sendo posible a súa práctica, por medio desta cédula, e segundo o disposto no número 5 do artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, e o establecido no artigo 61 do mesmo texto legal, notifícaselle ao interesado o contido do dito acto como figura no anexo, para que poida ter coñecemento del.
De conformidade co previsto no artigo 38.3 da Lei 9/2007, do 13 de xuño, de subvencións de Galicia, concédeselle ao interesado un prazo de quince días hábiles, que comezará a contar a partir do día seguinte ao da publicación da presente cédula no Boletín Oficial del Estado, para que poida formular as alegacións e presentar a documentación que xulgue pertinente, ante esta xefatura territorial.
O interesado durante este prazo poderá presentarse ante o Servizo de Traballo e Economía Social da Xefatura Territorial da Consellería de Economía, Emprego e Industria de Lugo, sito na rolda da Muralla, 70, baixo, das 9.00 ás 14.00 horas, de luns a venres, para os efectos de coñecer integramente o contido do acto administrativo.
Lugo, 23 de marzo de 2016
Pilar Fernández López
Xefa territorial de Lugo
ANEXO
Nº de expediente: TR349C 2014/126-2.
Nome: Miguel Ángel Fernández Barrio.
DNI/NIF: 71516121J.
Último enderezo coñecido: rúa Bispo Doutor Balanzá, s/n, letra 8-4º, 27002 Lugo.
Feito imputado: non manter no seu cadro de persoal fixo a persoa traballadora subvencionada durante un período de 2 anos contado desde a data de realización da transformación subvencionada.
Precepto infrinxido: base sétima, punto 1, do anexo II da Orde do 21 de maio de 2014, pola que se establecen as bases reguladoras do programa de incentivos á contratación das persoas traballadoras, cofinanciado polo Fondo Social Europeo, e se procede á súa convocatoria para o ano 2014.
Contido da resolución: inicio do procedemento de reintegro ditado o 8 de febreiro de 2016 pola xefa territorial da Consellería de Economía, Emprego e Industria de Lugo.