Expediente: IN407A 2015/228-1.

Promotor: Unión Fenosa Distribución, S.A.

Denominación da instalación: adecuación LMT SNT824 - CT 15PH21/15AH22.

Concello: Vedra.

Feitos:

1. O 28 de xullo de 2015 o promotor solicitou a autorización administrativa previa e a autorización administrativa de construción do proxecto de execución da instalación de distribución eléctrica indicada.

2. O proxecto someteuse ao trámite de información pública mediante a súa inserción no DOG do 11 de febreiro de 2016 e no BOP do 14 de xaneiro de 2016.

3. Solicitouse o preceptivo informe ás distintas administracións, organismos o, se é o caso, empresas de servizo público ou de servizos de interese xeral afectados. O promotor manifestou a súa conformidade cos condicionados establecidos.

4. Os servizos técnicos da xefatura territorial emitiron un informe favorable sobre a dita solicitude.

Consideracións legais e técnicas:

1. A Lei 24/2013, do 26 de decembro, do sector eléctrico.

2. O Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica.

3. O Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias ITC-LAT 01 a 09.

4. O Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23.

5. O Real decreto 842/2002, do 2 de agosto, polo que se aproba o Regulamento electrotécnico para baixa tensión.

6. As características técnicas da instalación son as seguintes:

– Tramo de liña de media tensión aérea SNT-824, entre os apoios nº 6 e (actuación nº 1), a 20 kV, cunha lonxitude de 0,039 km, coa orixe en apoio nº 6 da LMT SNT-824, condutor tipo LA-56 mm2 Al, e final no apoio nº 7 da LMT SNT824.

– Tramo de liña de media tensión aérea SNT-824, entre os apoios nº 6 e apoio con CT 15AH22 (actuación nº 2), a 20 kV, cunha lonxitude de 0,024 km, coa orixe no apoio nº 6 da LMT SNT-824, condutor tipo LA-56 mm2 Al, e final no apoio con CT 15AH22.

– Tramo de liña de media tensión soterrada SNT-824 (actuación nº 1), a 20 kV, cunha lonxitude de 0,013 km, con orixe na LMTS existente, en condutor RHZ1-2OL 12/20 kV 1×150 mm2 Al e final no CS proxectado.

– Tramo de liña de media tensión soterrada SNT-824 (actuación nº 2), a 20 kV, cunha lonxitude de 0,198 km, con orixe no CS proxectado, en condutor RHZ1-2OL 12/20 kV 1×240 mm2 Al e final na LMTA proxectada.

– Tramo de liña de media tensión soterrada SNT-824 (actuación nº 3), a 20 kV, cunha lonxitude de 0,038 km, con orixe no CS proxectado, en condutor RHZ1-2OL 12/20 kV 1×240 mm2 Al e final no CT particular 15PH21.

– Centro de seccionamento 3L manobra exterior, en edificio prefabricado.

O orzamento da instalación segundo o proxecto é de 45.738,17 €.

7. No expediente consta un informe favorable dos servizos técnicos desta xefatura territorial.

De acordo con todo o indicado,

RESOLVO:

1. Conceder a autorización administrativa previa e a autorización administrativa de construción á instalación eléctrica denominada adecuación LMT SNT824-CT 15PH21/15AH22.

2. A instalación executarase no prazo dun ano, contado a partir do día seguinte ao da publicación da presente resolución no Diario Oficial de Galicia.

3. Para a posta en funcionamento da instalación autorizada, deberá presentar perante esta xefatura territorial unha solicitude á cal se xuntará a seguinte documentación:

– As declaracións de conformidade relativas ao material ou equipamento, e as certificacións ou homologacións se procede.

– Un certificado do director da montaxe en que se garantirá o cumprimento das especificacións do proxecto e prescricións complementarias, se as hai, así como das regulamentacións e normas oportunas, na montaxe da instalación e posta a punto.

4. Esta aprobación outórgase sen prexuízo doutras que fosen de aplicación segundo a lexislación vixente, en especial a relativa á ordenación do territorio e o ambiente.

Contra esta resolución, que non é definitiva en vía administrativa, poderase interpor recurso de alzada ante o conselleiro de Economía, Emprego e Industria no prazo dun mes contado a partir do día seguinte ao da súa notificación ou publicación nos termos establecidos nos artigos 107, 100, 114 e 115 da Lei 30/1992, do 26 de novembro, de réxime xurídico das administracións públicas e do procedemento administrativo común (modificada pola Lei 4/1000, do 13 de xaneiro), sen prexuízo de que os interesados poidan interpor calquera outro recurso que se considere pertinente.

A Coruña, 17 de marzo de 2016

Isidoro Martínez Arca
Xefe territorial da Coruña