O Pleno da Corporación, en sesión do 29.10.2015, acordou, por unanimidade, prestarlle aprobación ao convenio urbanístico para a execución do planeamento co fin de ampliar o camiño transversal á rúa do Castro, no lugar do Cruceiro-Vilariño; finalizado o período de exposición pública, sen terse presentado reclamacións, enténdese elevado automaticamente a definitivo o acordo ata entón provisional e proceder á publicación do seu texto íntegro, para xeral coñecemento:

Convenio urbanístico para a execución do planeamento co fin de ampliar o camiño transversal á rúa do Castro, no lugar do Cruceiro, Vilariño (Cambados).

Reunidos en Cambados o 23 de outubro de 2015.

Dunha parte, José Ramón Abal Varela, concelleiro delegado de Urbanismo e Obras, en representación do Concello de Cambados, con CIF P3600600E e domicilio na praza do Concello, nº 1, 36600 Cambados.

E da outra parte, Ramona Isolina Sineiro Rodríguez, maior de idade, propietaria dos terreos afectados polo presente convenio e con domicilio para efectos de notificación en Cambados,

EXPOÑEN:

Primeiro. O obxecto deste convenio é o desenvolvemento urbanístico consistente na ampliación de camiño, que se encontra situado fronte á rúa do Castro (O Cruceiro-Vilariño), na esquina coa avenida de Vilariño, coa conseguinte urbanización do predio denominado Sar ou Xota, dedicada a labradío e viñedo, de nove áreas, setenta e tres centiáreas e que linda: norte, camiño; sur, estrada; leste, camiño e oeste, a parcela C) doada a Marina Sineiro Rodríguez.

O citado terreo encóntrase fora das aliñacións fixadas nas actuais NSM de acordo co seguinte plano:

Achégase plano topográfico realizado polo enxeñeiro técnico agrícola Ramón Martínez Mouriño do 21.10.2014, en que se delimita a parcela e a superficie de cesión para ampliación das vías.

Esa cesión débese entender aproximada na falta da realización da correspondente acta de aliñacións de acordo co artigo 2.5.2 das NSM de Cambados.

A superficie que se vai urbanizar para a ampliación das vías fixadas nas NSM é de 291 m².

No terreo afectado pola cesión encóntrase unha pequena edificación auxiliar e un pozo de auga, os cales están parcialmente afectados polas aliñacións.

Esas construcións deberán recuar ata a aliñación das NSM.

Segundo. Que Ramona Isolina Sineiro Rodríguez é propietaria única da totalidade dos terreos afectados polo convenio urbanístico e que ten como referencia catastral 6273307NH1067S0001UJ.

Terceiro. Esta concellaría considera necesario facer efectivas, con carácter executivo, as previsións fixadas nas normas subsidiarias do Concello de Cambados a través dun convenio urbanístico para levar a cabo a apertura da vía que facilite a incorporación e saída dos vehículos da avenida de Vilariño, e resolver finalmente o embotellamento que se produce neste punto do sistema viario e eliminar o perigo para a seguridade viaria.

A dita actuación lévase a cabo dándolles continuidade ás actuacións realizadas con anterioridade de cara a unha mellora do sistema viario do concello.

Para os efectos de levar a cabo a actuación que se pretende, as partes citadas, recoñécense mutua capacidade xurídica e de obrar para a sinatura do presente convenio, de conformidade coa Lei 9/2002, do 30 de decembro, de ordenación urbanística e protección do medio rural de Galicia, consonte as seguintes cláusulas:

Primeira. As partes que subscriben comprométense, na medida que lles corresponda e dentro dos estritos límites, termos e procedementos autorizados pola vixente lexislación en materia urbanística e de réxime local, a asumir as obrigas que deriven de conformidade co establecido no presente convenio.

Segunda. Os deberes legais de cesión dos propietarios son 291 m², cuantificándoos en 21.825 euros.

Terceira. O propietario renuncia ao aproveitamento urbanístico correspondente aos terreos da cesión para a ampliación das vías.

As condicións urbanísticas da parcela de edificabilidade e ocupación referiranse á superficie neta resultante despois da cesión, que é de 682 m², onde a edificabilidad máxima é de 409,20 m² e a ocupación máxima de 341 m².

Cuarta. O prazo de vixencia deste convenio será de 2 anos.

Quinta. Os compromisos voluntariamente adquiridos son os seguintes:

Por parte do Concello de Cambados:

a) Executar as obras previstas no presente convenio.

b) Retirar o pozo ao interior das aliñacións.

c) Executar o peche da parcela cun muro de dúas ringleiras de pedra de entre 45 e 50 centímetros, ou similar, sempre que non se incrementen os custos.

Por parte do propietario:

a) Ceder os terreos libres de cargas e gravames.

b) Retirar a edificación auxiliar á aliñación das NSM.

Sexta. As causas de resolución do presente convenio serán:

a) O cumprimento do seu obxecto.

b) A inviabilidade da realización das actuacións descritas neste convenio por causas non imputables ás partes.

c) O incumprimento de calquera das súas cláusulas.

Sétima. A resolución do convenio por causas imputables ao incumprimento dunha das partes dará lugar á resolución do presente convenio.

Oitava. O presente convenio terá para todos os efectos natureza e carácter xurídico-administrativo e as cuestións relativas ao seu cumprimento, interpretación, efectos e extinción serán competencia da orde xurisdicional contencioso-administrativa.

Para que así conste e en proba de conformidade, asínano no lugar e na data indicados.

Cambados, 2 de marzo de 2016

Fátima Abal Roma
Alcaldesa