Expediente: IN407A 2016/257-1.

Solicitante: Unión Fenosa Distribución, S.A.

Denominación: LMTS e CTS avenida Doutor Villanueva, nº 66.

Concello: Pontedeume.

Características técnicas:

Liña de media tensión subterránea, a 15 kV, cunha lonxitude de 0,440 km, con orixe en empalmes que se realizarán na LMTS VDC-703, no punto de acceso á rede existente entre o CS Avenida de Ferrol (15CWW2) e o CT Villanueva (15CWN1), expediente 347/03, condutor tipo RHZ1-2OL 12/20 kV 1×240 mm2 Al e final no novo CTS proxectado.

Centro de transformación prefabricado, cunha potencia de 400 kVA e unha relación de transformación de 15.000/400-230 V.

Lexislación de aplicación:

– Lei 24/2013, do 26 de decembro, do sector eléctrico (BOE núm. 310, do 27 de decembro).

– Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 1 de decembro).

– Resolución do 19 de febreiro de 2014 pola que se aproba o procedemento de autorización administrativa de construción de acordo co previsto na Lei 24/2013, do 26 de decembro, do sector eléctrico (DOG núm. 54, do 19 de marzo de 2014).

Todas aquelas persoas ou entidades que se consideren afectadas poderán examinar o expediente e presentar alegacións na Xefatura Territorial de Economía e Industria, sita na rúa Vicente Ferrer, 2, 2º andar, 15071 A Coruña, no prazo de vinte días a partir do día seguinte ao da última publicación desta resolución.

A Coruña, 14 de abril de 2016

Isidoro Martínez Arca
Xefe territorial da Coruña