O Pleno do Concello de Vigo, en sesión ordinaria do día 25 de abril de 2016, adoptou o seguinte acordo:
Primeiro. Rectificar o erro material existente na parte dispositiva do acordo adoptado polo Pleno do Concello de Vigo o día 26.5.2008, que queda co seguinte teor literal: «Aprobar o cambio de uso dotacional público da parcela municipal E-4-1 do Plan parcial de Navia, de 10.000 m2 de superficie, que se segregará da matriz E-4, de educativo a asistencial público –centro de coidados xerontolóxicos– (expte. 10890-411)».
Segundo. Aprobar, ao abeiro do disposto no artigo 42.5 da Lei 2/2016, do 10 de febreiro, do solo de Galicia, o cambio do uso dotacional da parcela municipal de 10.000 m2 de superficie, sita no ámbito do Plan parcial de Navia, referida como S4-3 no acordo de segregación adoptado o día 16.6.2008 pola Xunta de Goberno Local, de asistencial público (centro de coidados xerontolóxicos) a docente.
Terceiro. Publicar o presente acordo no BOP e no DOG e notificalo, para o seu coñecemento, ao IGVS, a Xestur Pontevedra, á Consellería de Política Social e á Consellería de Cultura, Educación e Ordenación Universitaria.
Cuarto. Remitir o presente acordo, xunto con dúas copias debidamente dilixenciadas do aprobado, á Consellería de Medio Ambiente e Ordenación do Territorio, para o seu coñecemento e efectos. No anuncio de aprobación, referido no dispositivo segundo deste acordo, farase constar esta remisión.
Quinto. Notificar este acordo á Concellaría de Educación e á Concellaría de Benestar Social, así como ao Servizo de Cartografía, á Oficina de Planeamento-Xestión, á Oficina de Licenzas e á Oficina de Información da XMU.
Mediante o presente anuncio faise constar que, dando cumprimento ao establecido no ordinal terceiro da parte dispositiva, mediante oficio do 12 de maio de 2016 foille remitido o dito acordo, xunto con dúas copias debidamente dilixenciadas do aprobado, á Consellería de Medio Ambiente e Ordenación do Territorio, para o seu coñecemento e efectos.
Vigo, 12 de maio de 2016
O presidente da Xerencia Municipal de Urbanismo
P.D. (Resolución do 6.7.2015)
María José Caride Estévez
Vicepresidenta da Xerencia Municipal de Urbanismo