1. Entidade adxudicadora: organismo: Concello de Vigo. Dependencia: Patrimonio Histórico. Nº de expediente: 7889-307.

2. Obxecto do contrato: descrición: a realización das tarefas de conservación, mellora e reposición descritas no prego de prescricións técnicas nas seguintes áreas de interese patrimonial do termo municipal de Vigo:

• Bosque e pradarías do pombal do Pazo Quiñones de León.

• Os xacementos arqueolóxicos do Castro e a Vila Romana de Toralla.

• Áreas de interese patrimonial (muíños das Roteas, do Severo, de Zamáns; mámoa dos Mouros; petróglifo da Laxe; finca Solita e pazo da Raposeira).

• Murallas dos castelos do Castro e San Sebastián.

Lugar de execución: Vigo.

Prazo de execución: dous (2) anos. Prórroga: si; dúas dun ano de duración cada unha.

3. Tramitación e procedemento.

Tramitación: ordinaria.

Procedemento: aberto.

4. Orzamento base: 260.000 euros (IVE incluído).

5. Garantías provisionais: non se exixen.

6. Obtención da documentación e información: www.vigo.org (perfil do contratante). Teléfono: 986 81 01 48. Fax: 986 22 62 06.

Data límite para solicitar a documentación: ata o día de finalización do prazo de presentación de proposicións.

7. Requisitos específicos do contratista: a) Solvencia económica e financeira: declaración do volume anual de negocio. Consideraranse con solvencia económica e financeira os licitadores que no conxunto dos últimos tres anos teñan un volume de facturación que sexa igual ou superior ao prezo do contrato ou posúan a seguinte clasificación: grupo O, subgrupo 6, categoría 1. b) Solvencia técnica e profesional: unha relación dos principais servizos ou traballos, de igual ou similar natureza que os que constitúan o obxecto do contrato, realizados nos últimos cinco anos que inclúa importe, datas e o seu destinatario, público ou privado, por importe igual ou superior ao prezo do contrato. Considerarase acreditada a solvencia se nalgún dos últimos cinco anos acredita servizos ou traballos por importe igual ou superior a unha anualidade media do prezo do contrato. Os servizos ou traballos efectuados acreditaranse mediante certificados expedidos ou visados polo órgano competente, cando o destinatario sexa unha entidade do sector público; cando o destinatario sexa un suxeito privado, mediante un certificado expedido por este ou, na falta deste certificado, mediante unha declaración do empresario, ou posuír a seguinte clasificación: grupo O, subgrupo 6, categoría 1.

8. Presentación de ofertas: prazo: o prazo rematará o día 13 de xullo de 2016.

Documentación: a exixida nas cláusulas 12 e 13 do prego de condicións administrativas e no punto 7 da folla de especificacións do contrato.

Lugar de presentación: Rexistro Xeral do Concello de Vigo. Praza do Rei, s/n, 36202 Vigo, ata as 13.30 horas do último día de prazo.

Admisión de melloras: non.

Prazo da obriga de manter a oferta: dous meses contados desde o día da apertura de proposicións.

9. Apertura das ofertas técnica e económica: entidade, domicilio e localidade: véxase o punto 6 do anuncio.

Data e hora: anunciaranse no perfil do contratante do Concello de Vigo.

10. Outras informacións:

11. Páxina web para a obtención de información: www.vigo.org.

Vigo, 1 de xuño de 2016

O alcalde
P.D. (Decreto e Acordo do 19.6.2015)
David Regades Fernández
Concelleiro delegado de Contratación