Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 128 Xoves, 7 de xullo de 2016 Páx. 28954

III. Outras disposicións

Consellería de Economía, Emprego e Industria

RESOLUCIÓN do 20 de xuño de 2016, da Secretaría Xeral de Emprego, pola que se fai pública a concesión dos premios do certame Cooperativismo no Ensino 2016, dirixido ao alumnado e ao profesorado dos centros educativos de Galicia.

Pola Orde do 22 de decembro de 2015 (DOG nº 248, do 30 de decembro), da Consellería de Economía, Emprego e Industria, establecéronse as bases reguladoras do Certame Cooperativismo no Ensino, dirixido ao alumnado e profesorado dos centros educativos de Galicia, e procedeuse á súa convocatoria para o ano 2016.

Nas bases reguladoras establécese que os traballos participantes neste concurso serán avaliados por un tribunal e que a persoa titular da Secretaría Xeral de Emprego resolverá a concesión dos premios, que serán obxecto de publicación no Diario Oficial de Galicia.

Unha vez aprobadas as propostas de concesión dos premios polos tribunais encargados de avaliar os traballos presentados, nas súas reunións do 27 de maio de 2016 e sen que fosen formuladas reclamacións, por resolución da Secretaría Xeral de Emprego do 17 de xuño de 2016 foi aprobada a concesión dos premios.

Por todo o anterior,

DISPOÑO:

Facer pública a concesión dos premios do certame Cooperativismo no Ensino 2016 dirixido ao alumnado e ao profesorado dos centros educativos de Galicia, e que se relacionan no anexo que se xunta a esta resolución.

Santiago de Compostela, 20 de xuño de 2016

Covadonga Toca Carús
Secretaria xeral de Emprego

ANEXO
Certame Cooperativismo no Ensino 2016

Modalidade de debuxo, pintura, fotografía e/ou vídeo dirixido ao alumnado de educación infantil e primaria, por categorías:

Categoría A: alumnos/as de 2º ciclo de Educación Infantil.

Premio ao mellor traballo: «A caixa da risa» do CPR Plurilingüe Andaina.

Accésit: «Coopecine» do CEIP San Miguel de Reinante.

Categoría B: alumnos/as de 1º e 2º de Educación Primaria.

Premio ao mellor traballo: «Navegamos xuntos» do CEIP San Miguel de Reinante.

Accésit: «Un personaxe máxico, un traballo real» do CEIP Plurilingüe Domaio.

Categoría C: alumnos/as de 3º e 4º de Educación Primaria.

Premio ao mellor traballo: «Unha cooperativa ... unha gran aventura» do CEIP San Miguel de Reinante.

Accésit: «Todos xuntos construímos Domaio» do CEIP Plurilingüe Domaio.

Categoría D: alumnos/as de 5º e 6º de Educación Primaria.

Premio ao mellor traballo: «Pequenos cooperativistas» do CEIP San Miguel de Reinante.

Accésit: «Coope-rock» do CEIP San Miguel de Reinante.

Modalidade de actividades cooperativizadas dirixido ao alumnado de primeiro e segundo ciclo de educación secundaria obrigatoria, por categorías:

Categoría E: alumnos/as do 1º ciclo da ESO.

Premio ao mellor traballo: «A auga no espazo e no tempo» do IES Santa Irene.

Accésit: «Radio Toural: a voz da terra» do CPI Toural.

Categoría F: alumnos/as do 2º ciclo da ESO.

Premio ao mellor traballo: «Xogos interactivos: proyecto Santa Irene» do IES Santa Irene.

Accésit: deserto.

Modalidade de proxectos empresariais cooperativos, dirixido ao alumnado e ao profesorado dos centros de formación profesional e de ensinazas de réxime especial.

Premio ao mellor proxecto empresarial cooperativo: Cuvegal, Sociedade Cooperativa Galega presentado polo alumnado e profesorado do CIFP Someso.

Accésit ao proxecto empresarial finalista: Vigotronic, Sociedade Cooperativa Galega presentado polo alumnado e profesorado do IES Politécnico de Vigo.